The Definitive Guide to Living in the Capital , Cairo , Egypt

Top Chef

Top Chef: مش أي شيف يعرف يعمل أكله حلوة

  • طبخ
  • من الآن
تم التقييم بواسطة
Rasha Zeidan
قيم
قيم الآن
Top Chef: مش أي شيف يعرف يعمل أكله حلوة

برنامج top chef "مش أي شيف" من أصعب برامج الواقع، اللي بتعتمد على فكرة المسابقات لكن بفكر جديد شوية.

في بيروت وبالتعاون مع mbc  انطلقت النّسخة العربيّة من برنامج Top Chef على شاشة MBC1 و MBC Maser 2 ومعاها مغامرة صعبة جدًا، وجديدة من نوعها هيدخلها أشطر الطّهاة في العالم العربي.

بداية الحلقة الأولى كانت بتعريف عام عن طبيعة البرنامج، أقسامه وحكايته، وكمان قالوا فيه كل التحدّيات اللي هيدخلها الطّهاة في كلّ حلقة.

بعدها، اتعرّف الجمهور العربي على أعضاء لجنة تحكيم البرنامج وهم الشيف المصريالصيني بوبي شين، الشيف اللّبناني مارون شديد والشيف السعوديّة مني موصلّي، كل واحد فيهم متميز في مجال وعنده خبرة في منطقة معينة، كل واحد فيهم ليه تقله في منطقته، وناوي يعلم باقي الشيفات يعني ايه أكل بحق وحقيق.

بعدها الجمهور اتعرف على  15 طاهي بيتنافسوا في البرنامج على لقب "Top Chef"  وعلى سبب اشتراكهم في البرنامج كمان، وليه كل واحد فيهم عايز يوصل للقلب ده ويحقق حلمه.

المنافسة بين الشيفات انطلقت مع الاختبار الأوّلاني، اللي كان صعب صراحة، علشان كل واحد فيهم، اتطلب منه يحضر طبق من اختياره بمجموعة من المكوّنات اللي لاقوها في صندوق مقفول قدامهم، وكل ده لازم يحصل خلال ساعة واحدة بس.

أعضاء لجنة التحكيم داقوا الأطباق وقيّموها، واختاروا طبق الشيف خالد كاهيا من المغرب باعتباره أحسن طبق، وبكده الشيف كاهيا حصل على حصانة من الطرد بره البرنامج في نهاية الحلقة الأولى.

أمّا التحدّي اللي كان على الطّهاة عمله مع بعض، فكان إعداد طبق يختاروه بنفسهم لتقديمه على العشاء لـ 150 ضيفًا بحضور ضيف الحلقة الشيف ميشال ساران وهو شيف فرنسي حاصل على نجمتي Michelin للذوق الرفيع وحكم ثابت في نسخة Top Chef الفرنسيّة.

صعوبات كتيرة واجهها الطّهاة في التحدّي ده، منها ضيق الوقت، لكنّ الشيف يُمنى خضر من مصر فازت في التحدي، أما صاحب الحظ السيء فهو الشيف رامي سلّوم من سوريا وده كان أول شيف يمشي من البرنامج في نهاية الحلقة.

عجبك ؟ جرب

Project runway

نصيحة 360

برنامج top chef "مش أي شيف" ، من تقديم منى موصلي، وإخراج سينثيا زهار - سمر عقروق، يعرض كل يوم أربعاءالساعة8 ونص مساءً على قناة MBC1 و MBC Maser 2

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح