The Definitive Guide to Living in the Capital , Cairo , Egypt

X مع باسم شرف

X مع باسم شرف: برنامج كوميدى على قناة نايل كوميدى

  • باسم شرف
  • كوميدي
  • من الآن
  • سمير عبد الهادىسمير عبد الهادى
تم التقييم بواسطة
Ahmed Abd El Gawad
قيم
قيم الآن
X مع باسم شرف: برنامج كوميدى على قناة نايل كوميدى

باسم شرف:

حكاية شاب بنى نفسه من زمان قرر من أواخر التسعينيات وبداية الألفينات أنه يبقى مثقف.. عرف أن الطريق للموضوع ده بـ يتم على شكلين:

الأول: تتمحلس للناس اللى ماسكين الثقافة فى البلد وتتقرب لهم علشان يخلوك معاهم.. وده الأسهل.

الثانى: تتمرمط فى وسط البلد وبين الكتب ومع الناس الحقيقية لحد ما تفهم وتبقى بجد مثقف.. وده اللى اختاره باسم.

كان بـ يشتغل ويقرأ ويعمل ندوات ويدرس ويأخذ كورسات ويعلم نفسه ولما يسمع عن حد عنده حاجة هـ تفيده فى مجاله يروح له علشان يتعلم منه.. شاب بسيط لكنه عميق فى أفكاره، وكتابته بـ تعبر عن فكره بالذات كتابه "جزمة واحدة مليئة بالأحداث"، فى المسرح تلاقيه وفى الأدب والكتابة والسينما والسيناريو اللى اشترك فى كتابة عدد كبير من مسلسلاته وكتب عدد ثانى لوحده وأخيرًا عمل برنامج فكان لازم يكون "Xمع باسم شرف".

 

البرنامج:

إيه بقى الحكاية؟ نقول لكم.. البرنامج قائم على فكرة الكوميديا المباشرة فى الكلام واللى بـ تطلع من المواقف اللى بـ نتعرض لها فى حياتنا.. لكن من وجهة نظر مختلفة خالص.. يعنى مش مجرد مذيع بـ يتكلم عن سلبية ويتريق عليها مع شوية "مؤثرات"، لأ هنا فيه فكر، باسم بـ يشتغل من منطق ثقافى فى المقام الأول.. ومع أنه بدأ حلقاته بموضوع الزبالة، وانتقد فيها الممارسات المصرية فى الشارع وده كان ممكن يعطى انطباع أنه هـ يبقى برنامج عادى.

 

العادى:

لازم نقف هنا علشان نفكر فى كذا حاجة.

أولًا طريقة عرض البرنامج بالشكل الساخر ده وأن الزبالة تبقى جزء من الديكور وتدخل كأنها عنصر فاعل فى البرنامج مع لقطات الفيديو اللى تم تركيبها صح داخل البرنامج فده معناه أننا أمام عمل احترافى لا شك.

ثانيًا: البرنامج قائم على شوية أفكار من قلب المجتمع، يعنى لا بـ يقلد غرب ولا شرق، البرنامج ده بـ يكلم المصرى بكل ما فيه من سلبيات وإيجابيات المصرى اللى عنده، الحلو والسيء وبـ يحاول يخلى الكاميرا تبص علينا من فوق.

ثالثًا: سكريبت الحلقات واللى بـ يساعده في كتابتها عدد من الشباب الموهوب بـ يقول قد إيه باسم عنده القدرة على الجمع بين حاجتين مهمين جدًا: المصرية واستحضار العصر اللى عايشين فيه، وتعالوا نشوف مع بعض نماذج سريعة لحلقات بـ تتكلم عن: "7 فوائد لانقطاع الكهرباء، أبليكيشن مصر، عجائب وغرائب الإعلاميين، اختراع جديد لمنع الزحمة، ذكريات طفل مصرى، مسخرة جيل التسعينيات، 6 أساطير فى الشارع المصرى".

عمومًا مش هـ نطول عليكم، اتفرجوا على البرنامج وتقريبًا كده مش هـ تبطلوا ضحك.

عجبك ؟ جرب

برنامج "ربع مشكل".

نصيحة 360

برنامجX  مع باسم شرف، تقديم باسم شرف ومن إخراج سمير عبد الهادى يعرض على قناة نايل كوميدى كل خميس وجمعة الساعة 11 مساءً.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح