The Definitive Guide to Living in the Capital , Cairo , Egypt

صحة ولياقة
أكوا زومبا في أرابيلا كانتري كلوب

أكوا زومبا: حصص لياقة ممتعة فى أرابيلا كونترى كلوب بالقاهرة الجديدة

تم التقييم بواسطة
Jessica Noble
قيم
قيم الآن
أكوا زومبا: حصص لياقة ممتعة فى أرابيلا كونترى كلوب بالقاهرة الجديدة

طالما أيام الأسبوع مخصصة للشغل، الضغط العصبى والجلوس وسط الزحام، يبقى الويك إند عبارة عن مخرج من كل ده، والاستمتاع بالشمس والاستراحة بجانب حمام سباحة منعش. ومع قضاءك معظم وقتك وسط الأكل والمكيفات، إيه أحسن من شوية تمارين مش بس فى الشمس، دى كمان فى حمام سباحة؟

“زومبا” تعتبر تقليعة جديدة من تقاليع حصص اللياقة فى القاهرة، بـ تجمع بين الأيروبكس والرقص بهدف رفع اللياقة وزيادة القدرة على التحمل. مدربة الزومبا الروسية أناستازيا رايس بـ تقدم 45 دقيقة من التمارين الرياضية تحت المياه أيام الثلاثاء، والجمعة والأحد فى الصباح مقابل 50 جنيه للفرد فى أرابيلا كونترى كلوب بالقاهرة الجديدة.

النادى بـ يقدم كام مطعم، ومنتجع صحى، ومنطقة أطفال مفتوحة ومغلقة وثلاثة حمامات سباحة. أول ما وصلنا طلعنا من المبنى الرئيسى على أكبر حمام سباحة فى المكان وغرف تبديل الملابس الواسعة النظيفة الملحقة به. قبل ما يسلمونا الفوط الناعمة ومفاتيح خزنة الملابس المسئولة عن المكان أخذت منا ثمن الأنشطة الصباحية. قضاء يوم فى أرابيلا كونتري كلوب تكلفته 130 جنيه أما الـ 50 جنيه فهي خاصة بالزومبا فقط، طلبوا مننا نغادر حمام السباحة مباشرة أول ما الحصة خلصت.

قدرنا نشوف مدربتنا من بعيد جدًا وهى بـ تتحرك بين مجموعة صغيرة جدًا من السباحين فى ملابسها الرياضية بألوانها المبهجة، كلنا على بعض كنا ستة أفراد من الجنسين. باعتراف الجميع، المياه فى حمام السباحة كانت مثلجة، بس عمومًا –زى أى حمام سباحة مشكوف– أول ما قدرنا نتكيف مع البرودة ومع النشاط المبذول قدرنا نشعر بالدفء.

حسينا فورًا بالراحة مع المدربة النشيطة، أنستازيا طاقتها وحماسها للزومبا ساعدت على تحفيزنا من أول وهلة. علشان إحنا جدد على الزومبا كنا ممتنين أنهم بدأوا بحركة بطيئة وتمارين إطالة للتسخين فى أول الحصة علشان يساعدونا نتعود على –مش بس الحركات– ولكن كمان الحركة فى المياه بدون توهان، وفعلاً الموضوع كان صعب.

الحصة تمت وسط إيقاع سريع، على موسيقى عالمية مشهورة قدرت بجانب حركات وصيحات أناستازيا تساعد على الحفاظ على سرعة التمرين. وعلشان ده نشاط جماعى مبدأ التمرين هو “كل واحد مسئول عن نفسه”، يعنى لو حصل منك خطأ فى حركة معينة، وده محتمل جدًا، فلازم ترجع تواكب حركتهم. خلصنا التمرين بنفس الحركات مع سرعة أقل شوية علشان جسمنا يهدأ بشكل تدريجى.

بجانب كونه نشاط صباحى لطيف ويزود الطاقة، بدأنا نشعر بتأثيره سريعًا، بس الفرق بينه وبين أى تمرين يتم خارج المياه أن الإحساس بالملل أو الإجهاد أقل بكثير. حصص الأكوا زومبا مش محتاجة لحجز مسبق، وتبدأ 10 صباحًا بالضبط.

نصيحة 360

اعمل حسابك على كريم مقاوم للشمس، ويمكن قبعة كمان.

أحسن حاجة

أكوا زومبا أمتع من التمارين العادية، وقدرنا نحصل على درجة من الإسمرار فى نفس الوقت، صفقة كسبانة!

أسوأ حاجة

غير مسموح تفضل فى حمام السباحة بعد الحصة إلا لو دفعت ثمن قضاء اليوم.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح