The Definitive Guide to Living in the Capital , Cairo , Egypt

بروفيشنال – Professional

بروفيشنال: علاجات شعر متخصصة فى المهندسين

  • 88 شارع محيي الدين أبو العز
  • 0233383590
تم التقييم بواسطة
Anne De Gcairorevamp_user
قيم
قيم الآن
بروفيشنال: علاجات شعر متخصصة فى المهندسين
فيه معوقات كثيرة لنا كإناث أننا نعيش بحرية وسعادة فى مصر، إحنا أكيد بـ نتكلم عن الإجراءات اللى بـ نحتاج نعملها علشان نحافظ على شعرنا شكله صحي وكثيف ولامع، كفاية التلوث والحرارة فى الجو، بصراحة محاولة أنك تكون جميل دائمًا عملية قاسية، وبالتالى هـ تعمل أى حاجة إنشالله تلجأ لمواد تجميل فيها كيماويات علشان تحقق ده.
«بروفيشنال – Professional» فى المهندسين موجود أمام نادي الصيد، هناك أخذوا على عاتقهم مسئولية تحسين الشعر التالف وكثافته لبنات وستات كايرو، عندهم واحد متخصص فى عمل خلطات أو ماسكات لعلاج الشعر، أول زيارة لهم هناك هـ يسألوكى عدة أسئلة متعلقة بحالة شعرك الصحية وإيه النتائج اللى متوقعة أو حابة تحصلى عليها، وبعدين بـ يعطوكى بطاقة مكتوب فيها برنامج للى هـ يتعمل لك خلال زيارتك.

العلاج هـ يكلفك حوالى 90 جنيه ولازم يتعمل على الأقل مرة فى الأسبوع، وقالوا لنا أن العلاج بـ يستغرق ستة شهور لحد ما تبدأى تشوفى نتيجة، “بروفيشنال” بـ يستخدموا ماركات عناية بالشعر معروفة زي L’Oreal و Phyto (ماركات فرنسية) والثاني بـ يدخل في مكوناته نباتات وأقل شهرة من الأول، وكمان عندهم تشكيلات من السيرم والشامبو لكل نوع شعر.

ممكن كمان تروحي «بروفيشنال» علشان تغسلي شعرك أو تعمليه بالسيشوار، تكلفة عمل ستايل أو فورمة فى شعرك حوالى بـ 80 جنيه وده سعر عالى شوية على حاجة زي كده، فى الأول هـ يعملوا لك مساج فى رأسك أثناء غسيل الشعر قبل ما تروحي للمتخصص علشان يعمل ستايل فى شعرك، لو مافيش شكل معين حابة عليه شعرك ممكن تختارى من تشكيلة تسريحات موجودة فى الكتب اللى موجودة عندهم، شعرنا كان شكله رائع لما مشينا ولكن للأسف شكله باظ وما صمدش كثير لليوم التالى.    

على الرغم أن صالون تجميل “بروفيشننال” عادى وتقليدي فى الديكور لكن الخدمة جيدة، لو أنت بـ تدور على مكان أسعاره معقولة ويقدروا يأخذوا بالهم من شعرك يبقى ده المكان المناسب لك، كمان ممكن تعمل هناك علاجات كيراتين وفيه تشكيلة كبيرة من باروكات ووصلات الشعر مصنوعة من شعر طبيعي 100%.

نصيحة 360

الصيف هو أنسب وقت تبدأى فيه العناية بشعرك.

أحسن حاجة

عناية بالشعر محترفة.

أسوأ حاجة

الديكور الداخلى محتاج إعادة تصميم.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح