The Definitive Guide to Living in the Capital , Cairo , Egypt

ديفا 3 – Diva 3

ديـﭭـا 3: كوافير رائع في المعادي

تم التقييم بواسطة
Nour Motawa
قيم
قيم الآن
ديـﭭـا 3: كوافير رائع في المعادي

«ديـﭭـا 3 – 3Diva » صالون
تجميل فخم فتح من قريب في حي ثكنات المعادي وقريب من جراند مول المعادي. المنطقة
كانت محتاجة «ديـﭭـا 3» جدًا لأنه عامل
زي «پاس إي لوس – Pace e Luce» (صالون تجميل عالمي له فرع في المعادي برضه) بس بشكل
أبسط  وبأسعار مناسبة أكثر.

الصالون موجود في مبنى تجاري في
الدور الأرضي، الشبابيك بتاعته شيك قوي ومصنوعة من الزجاج، الكراسي والكنب مريحين
جدًا، الترابيزات كمان زجاج وشيك قوي، و المكان فيه شاشات تليفزيون كثير جدًا ودائمًا
مشغلين عليهم قناة فاشون تي ڨي Fashion
TV. الإضاءة مناسبة وكراسي غسيل الشعر مريحة قوي،
وكل ده بـ يخللي تجربة «ديـﭭـا 3» كلها على بعض ممتعة.

العاملين هناك ودودين جدًا وبـ
يرحبوا بالزبائن بحفاوة، بـ يقدموا لهم مشروبات ومجلات لو عايزين يقروا حاجة
يتسلوا فيها، بس أصلاً المجلات الأجنبية هناك مش مُشَجِعَة قوى وكان أغلبها عن
اليخوت.

مصففين الشعر هناك أذكياء
ومتدربين بمهارة. طلبنا منهم تسريحة مبتكرة وعملوها بإتقان ومافيش فيها غلطة.
الغسيل والسيشوار كلفنا حوالي 70 جنيه، لكن على عكس بعض الصالونات الغالية الثانية
السعر كان يستاهل والنتيجة كانت حلوة قوي وثابتة لفترة طويلة. ورغم أن السعر كان
عالي، إلا أن الجو والراحة والخدمة اللي في المكان كانوا يستاهلوا.

فيه خدمات ثانية في «ديـﭭـا 3»
زي قص الشعر (80 جنيه)، الصبغة (بـ تبدأ من 250 جنيه)، المانيكير (50 جنيه)، الباديكير
(60 جنيه)، إزالة الشعر بالشمع (واكس – Wax بـ
يبدأ من 40 جنيه)،
وتضفير الشعر (بـ يبتدي من 15 جنيه). المانيكير والباديكير ممكن يتعملوا لك في نفس
الوقت وأنتِ بـ تعملى شعرك، أو في المنطقة الخاصة بالسپا في آخر المحل.

منطقة السپا -زيها زي باقي
الصالون طبعًا- نظيفة بطريقة غير عادية، ومش هـ تحتاجي خالص أنك تجيبي أدواتك
الخاصة لأن الحاجة هناك نظيفة وبـ يعتنوا بها كويس قوي، والعاملين كمان شطار
وعارفين شغلهم كويس.

رغم
أن «ديـﭭـا 3» صالون نظيف جدًا، هـ تحس أنه متواضع ومش زي باقي الصالونات الكبيرة
الثانية. هـ تشعر كأنك في كوافير عادي جنب بيتك، مع الفرق أن الأسعار أغلى شوية
والمكان مُريح وأنظف.

نصيحة 360

تنظيف الأظافر وتلوينها بـ30 جنيه بس وده أرخص من أنك تعملي مانيكير كامل بـ50 جنيه.

أحسن حاجة

الناس اللي هناك شاطرة وفاهمين شغلهم كويس.

أسوأ حاجة

المجلات الأجنبية كانت غريبة شوية والأسعار عالية.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح