The Definitive Guide to Living in the Capital , Cairo , Egypt

ذا نيل سبا – The Nail Spa

ذا نايل سبا: عناية بالأظافر سعرها غالي شوية في داندي مول

  • داندي مول، الدور الأرضي، أسفل تشيليز
  • 0235394194,0161119180
  • 9 صباحاً - 9 مساءً
تم التقييم بواسطة
Soraya Morayef
قيم
قيم الآن
ذا نايل سبا: عناية بالأظافر سعرها غالي شوية في داندي مول

المانيكير والباديكير نوع من أنواع الترفيه المتوفرة في
مصر الحمد لله بأسعار معقولة بسبب الأسعار المتراوحة المقدمة من الصالونات
والكوافيرات اللي في البلد. وبـ نقول الحمد لله لأنها حاجة مهمة جدًا في ظل التراب
اللي في الجو، وخصوصًا في فصل الصيف اللي بـ نضطر في أغلب الأوقات أننا نلبس فيها
صنادل وشباشب.

«ذا نايل سبا – The Nail Spa» هو واحد من الصالونات
القليلة في القاهرة اللي مخصصة للعناية بالأظافر. السبا المخصوص للسيدات فقط له 3
فروع في القاهرة: المهندسين، مصر الجديدة، وداندي مول، وبـ يقدم عناية مُريحة
ومُرفهة للأظافر في إطار باللون الوردي.

فرع السبا بتاع داندي مول موجود في الدور تحت الأرضي (يعني
تأخذي السلم الكهربائي الموجود جنب مطعم تشيليز للدور الموجود تحت وهـ تلاقيه على
شمالك). «ذا نايل سبا» مُجهز باللون الفوشيا الساطع: حوائط لونها فوشيا، كراسي
فوشيا، ترابيزات فوشيا، وكاونترز فوشيا. حتى العاملين بالسبا لابسين تي شيرتات
بولو فوشيا. غير كده المكان أبيض جدًا بكراسي جلد مُريحة أمامها أحواض للرجل تقدروا
تغطسوا فيها رجلكم علشان الباديكير. متوفر كذا مكان علشان المانيكير أو العناية
بالوجه، وفيه غرف خلفية علشان العنايات الحساسة زي إزالة الشعر والفتلة.

«ذا نايل سبا» بـ يقدم عناية بالأرجل واليدين، عناية
بالوجه، الحواجب، وكمان الفتلة للوجه، وإزالة الشعر من الجسم. الأسعار فوق
المتوسط: 70 جنيه للباديكير العادي و50 جنيه للمانيكير. متوفر كمان علاجات أكثر
دقة زي علاج البارافين المضاد للتقدم في السن (110 جنيه)، ومانيكير الليمون المضاد
للأكسدة (175 جنيه)، اللي بـ نأمل أنه يبقى حاجة أكبر من عصر ليمونة على الأظافر.

لو عاوزة تروحي فعلاً وتدلعي نفسك بزيادة، يبقى فيه
الباديكير المرفه بالكافيار اللي مدته ساعة وربع بسعر مفزع 715 جنيه. أكيد
الكافيار اللي في الموضوع هو السبب في السعر ده، لكن على قد ما هو شكله مغري، لكن
بكل الأحوال 715 جنيه مش رقم يتدفع في باديكير.

بداله إحنا طلبنا الباديكير العادي، اللي كان شامل وفعال
جدًا رغم أننا فضلنا منتظرين 20 دقيقة. الباديكير اتعمل بدقة وانتهى بسكراب للرجل
وتدليك بمرطب. لكن ما كانش واضح لنا الأدوات كانت مستخدمة قبل كده ولا كانت معقمة،
فلو بـ تقلقوا من النظافة ممكن تجيبوا معاكم أدواتكم الخاصة احتياطي. رغم أننا
طلبنا باديكير من غير تلوين الأظافر، لكن السعر كان هو هو، وده مش شرط يبقى الوضع
في الصالونات الثانية. لو عاوزة ترجعي ثاني وتعيدي على الباديكير أو المانيكير، هـ
يكلفك 30 جنيه.

علاج الـ 45 دقيقة بالأعشاب كان شكله اختيار كويس: مقابل
100 جنيه هـ تأخذي باديكير مع ماسك مرفه للرجل بجيل الألو فيرا المنعش. واللي كان
شكله حلو برضه هو علاج الوجه الـ “Pevnoia mini-facial” بـ 85 جنيه بس.
فيه اختيارات ثانية تشمل سكراب الرجل بالنعناع، تبييض الأظافر، وماكياج ثابت.
متوفر كمان الأظافر الأكريليك بـ 330 جنيه للمانيكير الطبيعي، و350 جنيه للمانيكير
الـ “French”.

إزالة الشعر، والفتلة أسعارهم كانت معقولة: نصف رجل بـ 55
جنيه، والذراع في نفس الحدود، وخط البيكيني 70 جنيه. إزالة الشعر من 3 أجزاء
مختلفة من الجسم هـ تكلفك في حدود 150 جنيه، وده سعر معقول بالنسبة للصالونات
الشيك الثانية. اسألي عن دعاء، لأنها دقيقة، سريعة، وبـ تخللي بالها كويس وبـ
تخليها تجربة بدون ألم.

احجزي الأول في «ذا نايل سبا» أو عدّي عليه المرة الجاية
لمّا تبقي موجودة في داندي مول وعايزة تدلعي رجلك شوية. بس استعدي أنك تستني شوية
لو مش عاملة حجز الأول.

نصيحة 360

حاولي توصلي في ميعادك مضبوط وإلا هـ يعطوا دورك لحد ثاني، حتى لو اتصلتي وقلتي أنك أمامك 5 دقائق.

أحسن حاجة

دلع العناية بالأظافر وإزالة الشعر الفعالة.

أسوأ حاجة

لو المكان زحمة، هـ تضطري تستني شوية كثيرة.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح