The Definitive Guide to Living in the Capital , Cairo , Egypt

سامية علوبه

سامية علوبة: اتمرن بشياكة

تم التقييم بواسطة
Clarissa Pharr
قيم
قيم الآن
سامية علوبة: اتمرن بشياكة

وانت رايح تشترك في صالة چيم لأول
مرة الموضوع بـ يبقى له نفس الإحساس وأنت رايح تنزل في فندق. وجه التشابه في
الترقب اللي الواحد بـ يحسه وهو داخل اللوبي الشيك الفخم للأثنين ومستني يشوف هـ
يقدموا له إيه٬ وهـ يحاولوا يغروك بـ تسهيلات عاملة إزاي٬ وهما بـ يبقوا مستنيين
يشوفوا أنت ناوي تفضل معاهم قد إيه … الفرق بس أن في صالة الچيم أنت اللي هـ تشتغل
علشان تشوف النتيجة اللي أنت عايزها.

صالة چيم «سامية علوبة» عملت
لنفسها سمعة حلوة من زمان وأتعرفت بـ شياكتها وأن التمرين فيها بـ يبقى جدي ومافيهوش
هزار. لها فروع كثيرة وفي كل منطقة تقريبًا هـ تلاقي فرع. الأنشطة عند سامية
متنوعة جدًا من أول الأيروبكس ولغاية دروس الرقص، ده غير بقى كمان أن كل حاجة
مهنية جدًا والمدربين متدربين وعارفين هم بـ يعملوا إيه كويس قوي. كل الحاجات دي بـ
تخلى چيم «سامية علوبة» دائمًا من الأفضل.

فرع المعادي مختلط، بـ يروحه رجال
وسيدات في نفس الوقت. من أول ما دخلنا من الباب استقبلونا حلو قوي وبعدها وصلونا
لمكتب الاستشارات علشان نعمل الاشتراك. فريق العمل هناك متكامل ومحترف قوي، وبـ
يفضلوا معاك في الأول لغاية ما يتأكدوا أن مافيش عندك أي مشاكل صحية قبل ما تبدأ
تكتشف الأجهزة الكثيرة اللي عندهم براحتك.

زي ما كثير مننا عارفين، صالة چيم
«سامية علوبة» لها سمعة حلوة من ناحية الأجهزة الحديثة جدًا اللي عندها. وبالرغم
من ده المكان مش واسع قوي، لكن القائمين على المكان مقسمينه حلو، المشايات موجودة
جنب الحيطان، والعجل كله متجمع في نص الصالة. أما الدور اللي فوق فيه صالة ثانية
للأيروبكس والتمارين الخاصة وفيها حوالي 12 عجلة ثابتة للتمارين.

جربوا تروحوا هناك مرة بـ الليل
في يوم أجازة، هـ تلاقوا أغلب أجهزة التمارين مشغولة، من أول رفع الأثقال، العجل،
ولغاية المشايات اللي من عليها هـ تشوفوا منظر أسطح عمارات المعادي اللي متغطية
بأطباق الدش.

لو حد بـ يبقى عنده مشكلة أنه
يأخد راحته قوي وسط الناس، هـ يبقى عنده مشكلة مع العيب الكبير في الفرع ده، وهو
أن المكان المخصص لتمارين الأرض والسويدي هو ركن صغير قوي ملصوق في منطقة رفع الأثقال
للرجال. وده بـ يخللي بعض السيدات تبقى عاوزة تخلص بسرعة علشان ما بـ تبقاش واخدة
راحتها كفاية.

وزي ما إحنا عارفين أن التمارين
الرياضية بـ تخللى الواحد يجوع ويعرق، وأن فى أحيان كثير مافيش وقت كافى تأكل قبل
ما تروح الچيم لو أنت جاي تتمرن بين اجتماعين أو بعد يوم شغل طويل. بس صالة الچيم
فيها ركن بـ يبيع وجبات صغيرة خفيفة زى الكيك والبسكويت، وفيه كمان ثلاجة فيها
حاجات بسيطة زي المياه، العصاير، والمياه الغازية.

أسعار الاشتراكات أحسن
من أهم المنافسين زي «جولد چيم – Gold’s gym»، وده طبعًا بـ يعطى «سامية علوبة»
ميزة تنافسية. اشتراك شهر في تمارين الأيروبكس ودروس الرقص بـ440 جنيه؛ ولو
حابب تستفيد كمان من الأجهزة الرياضية في صالة الچيم هـ تدفع 600 جنيه. والاشتراك
السنوي بـ 3800 جنيه للصالة والأيروبكس ودروس الرقص.

نصيحة 360

دائمًا اسأل عن أحسن حصص الأيروبيكس والمدربين.

أحسن حاجة

غير الأجهزة اللي على أحدث مستوى، غرف تغيير الملابس دائمًا نظيفة، فخمة وفيها چاكوزي، غرفة بخار، وساونا. فيه كمان حمام مغربي وتدليك بس لازم تحجز قبل ما تروح. وفيه برضه فريق مدربين خاص شاطرين وجاهزين دائمًا لو أنت عايز واحد معاك وأنت بـ تتمرن.

أسوأ حاجة

أسعار الاشتراكات العالية بـ تخللي الواحد يفكر مئة مرة قبل ما يقرر يشترك

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح