عشر أفكار سهلة لتحضير غداء مكتب صحي باستخدام بيك رولز
Cairo 360
لو سألت أي حد بـ يشتغل عن أصعب حاجة بـ يواجهها أثناء يومه الطويل في المكتب، هـ يقول لك وقت الغداء، والسؤال اللي بـ يطرح نفسه كل يوم: نجيب أكل من البيت، ولا نطلب ديليفري؟ ولو طلبنا ديليفري، هـ نجيب الوجبات السريعة العادية زي البيتزا والبرجر؟ ولا نجرب حاجة صحية شوية، زي سلاطة ممكن تيجي مش طازة، أو شوربة توصل باردة؟ مشكلة عويصة بـ نخوضها كل يوم!
علشان كده قررنا أننا نقدم مع بيك رولز مجموعة من الأفكار الصحية، اللذيذة والموّفرة لغداء يوم طويل في المكتب.
ساندويتشات بيك رولز صغيرة
ليه تأكل برجر، وتقضي بقية يومك مش عارف تشتغل من كثر التخمة، لما ممكن ببساطة تعمل ساندويتشات صغيرة من قطع بيك رولز؛ كل اللي هـ تعمله أنك تجيب اللي أنت بـ تحبه وتضيفه بين قطعتين بيك رولز: عندك مثلًا من أول اللانشون لحد السلمون وجبنة سهلة الفرد… ولا أحلى بيجل!
استخدم البيك رولز كقطع خبز محمصة لشوربتك المفضلة
الشوربة من وجبات المكتب المفضلة عند ناس كثير، مش بس لأنها سهلة التحضير، دي كمان سهلة الأكل… المعلقة في أيد والأيد الثانية على الماوس بـ يخلص لك شغلك. عيبها الوحيد أنها خفيفة زيادة عن اللزوم؛ بس الحل عند بيك رولز، كل اللي هـ تعمله أنك تأخذ كبشة من قطع بيك رولز وضيفها على الشوربة. تقدر كمان تضيف صوص التشيلي أو عصير الليمون، وبالذات لو على شوربة الطماطم.
بيك رولز وغموس
بالنسبة لنا كمصريين "التغميس" طقس يومي بـ نعمله في أي وجبة، وفي تقريبًا أي أكلة، فمش هـ يبقى صعب علينا أننا نشرح لك تعمل إيه: هـ تجيب غموسك المفضل، وبدل ما تأكله بمقرمشات مالهاش أي فائدة، غمسه ببيك رولز. عن نفسنا بـ نحب نغمس بيك رولز بسلاطة حمص.
ضيف بيك رولز على السلاطة
للأسف الجو في مصر ما يساعدش أن السلاطة توصل لك بحالتها، ده غير عوامل ثانية زي النظافة والإهمال ممكن تبوظ لك تجربة أكل سلاطة المطاعم. بدل كل ده، حضر سلاطة في بيتك وقبل ما تأكلها في المكتب ضيف عليها حبات بيك رولز المقرمشة، وبكده وفرت فلوسك واشتريت صحتك. جرب نوع الزيتون والجبنة مع سلاطة فيها خس، طماطم وقطع فراخ… هـ يفرق الطعم كثير.
حلو وحادق
دلوقت ما بقاش غريب أنك تأكل حاجة حلوة وحادقة في نفس الوقت، جرب كده حبات بيك رولز اللي بالملح وعليها طبقة خفيفة من الشوكولاتة سهلة الفرد… دي هـ تبقى أحلى حاجة حادقة ذقتها في حياتك.
ميني بيتزا
البيتزا هي أول حاجة بـ نطلبها في المكتب لما بـ نحتار نأكل إيه؛ بس علشان نخلي البيتزا وجبة يومية في المكتب لازم نعمل حاجتين: أولًا، نرمي كل هدومنا، لأن في خلال شهر مش هـ تكون مقاسنا، وثانيًا، ندور على وردية مسائية في أي مكان ثاني علشان فلوسنا كلها هـ تكون راحت على البيتزا. أسهل وأوفر حل أنك تضيف أي مكون مفضل بالنسبة لك على قطع بيك رولز اللي بالبيتزا، ننصحك تجرب تضيف عليها الطماطم التشيري والجبنة.
كانابيه
تخيل نفسك بـ تأكل كانابيه كوجبة غداء في المكتب… حاجة جميلة، صح؟ كل اللي هـ تعمله أنك تجيب واحدة بيك رولز، وتحط عليها أي حاجة بـ تحبها… أنسب نوع بيك رولز لكانبيه المكتب هو الزيتون والجبنة.
نقول لك على حاجة أسهل؟ بيك رولز لوحده كفاية!
لو ما لكش في التحضير، أسهل حاجة تأكل بيك رولز زي ما هو. خفيف، وصحي… وغير كل ده، طعمه رائع. كل ما عليك أنك تجيب النوع اللي بـ تحبه، تفتح الكيس وبالهنا والشفا!
لمعلومات أكثر، اضغط هنا.
الصور المستخدمة في المقال من صفحة بيك زون – Bake Zone على الفيسبوك.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
