The Definitive Guide to Living in the Capital , Cairo , Egypt

نون سنتر

مركز نَن: حصص عملية لتعليم الدفاع النفس في الزمالك

تم التقييم بواسطة
Anne de Groot
قيم
قيم الآن
مركز نَن: حصص عملية لتعليم الدفاع النفس في الزمالك

في مدينة بـ يتعرض-حسب الإحصائيات-
80% من الستات فيها للتحرش، من المفيد أن الواحدة تأخذ حصة دفاع عن النفس، أكيد مش
هـ تخسري لما تتعلمي تدافعي عن نفسك أمام أي هجوم محتمل. مركز نَن في الزمالك بـ يتفهم
احتياج المرأة للدفاع عن نفسها وبـ يعطي كورسات مرتين في الأسبوع للدفاع عن النفس.

كل حصة مدتها ساعتين، وبـ يدرسها
أحمد قدري اللي بـ يمتلك مهارات في عدة فنون قتالية منها فن الجيو جيتسو الياباني
التقليدي وأنواع ثانية مختلفة. الحصص دي بـ تعلم تقنيات الدفاع عن النفس اللي ممكن
استخدامها في الحياة العادية، والحصص دي متوفرة لكل الناس بغض النظر عن مستوى
لياقتك أو خبرتك في الفنون القتالية، وبـ توفر فرصة تمرين كويسة إلى جانب تعلم
تكنيكات الدفاع عن النفس.

الساعتين بتوع الحصة بـ يبدأوا
بتمارين إحماء لكل عضلات الجسم، مع التركيز على عضلات المعصم علشان هي دي أكثر جزء
بـ يستخدم في الجسم، وكمان بـ تتدرب على حفظ التوازن. المرحلة الثانية هي تعلم
حركات دفاعية ممكن تطبيقها في الحياة العادية. أول حركة بـ تعلمك إزاي تصد الهجمات
وتهرب بفعالية، وكمان بـ تتعلم تقنيات إزاي تفك نفسك لو حد نجح في أنه يكتفك،
وتفاجئنا أنه بتكنيكات بسيطة تقدر تطرح منافسك على الأرض بأصبع واحد فقط!

الجزء اللي بعد كده من الحصة
بـ يركز على التدريب على التكنيكات الجديدة مع زملاء وأحمد قدري نفسه، واللي بـ يفضل
يمر طول ما التدريب شغال ويصلح لك من حركاتك ويساعدك تحسن من مستواك.

أحسن حاجة في حصة الدفاع عن
النفس دي أنك بـ تتعلم بسرعة تقنيات مفيدة ممكن تستخدمها أول ما تحتاجها عند
الضرورة. أثناء الحصة مافيش استراحة، هما ساعتين كاملين من الرياضة والتمرين.
الحصص بـ تكون يوم الاثنين من 8 إلى 10 مساءً والأحد من 4 إلى 6 مساءً. يفضل أنك
تلبس تى شيرتات واسعة علشان ممكن أثناء التدريب حد يشدك منها. تكلفة الحصة 100
جنيه ولازم تحجز قبلها بالتليفون.

أحمد مدرب كويس جدًا وصبور
في تدريبه على مختلف الحركات. في العموم، كل التحية لمركز نَن وأحمد على تقديمهم
لحصص تدريب مفيدة وعملية زي دي.

نصيحة 360

حصص يوم السبت بـ تتعمل في الهواء الطلق.

أحسن حاجة

بـ تتعلم تكنيكات دفاعية ممكن تستخدمها في الحال.

أسوأ حاجة

حقيقة أننا محتاجين فصول زي دي.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح