The Definitive Guide to Living in the Capital , Cairo , Egypt

مهرجان El-Fit للياقة البدنية الموسم الثاني: لياقة بدنية ومرح أكثر في القاهرة

مهرجان El-Fit للياقة البدنية الموسم الثاني: لياقة بدنية ومرح أكثر في القاهرة

الصحة واللياقة في القاهرة خلال سنة 2013 شهدوا تطور كبير وبقوا في مقدمة اهتمامات القاهريين، في 23 فبراير السنة دي انطلق مهرجانEl-Fit  للياقة البدنية وسط نجاح كبير من القاهريين اللي جاءوا من كل أنحاء المدينة لحدث من أهم الأحداث المرحة. مع وفرة من الأنشطة الرياضية والعائلية ومسابقات تنافسية، منظميEL-Fit  كان هدفهم أن الكل يقدر يستمتع بالمرح واللياقة في نفس الوقت.

قليل اللي يقدروا يقولوا أن الحياة الصحية مش على قائمة أولويات معظم سكان القاهرة. ده بـ يترتب على مستويات كثيرة أغلبها معتمد على التعليم والفلوس. مع ذلك مهرجان El-Fit بـ يهدف إلى أنه يزيل الحواجز دي في الأجازة للمرة الثانية علشان يسهل الإجراءات شوية صغيرة.

الهدف الأصلي من المهرجان مازال زي ما هو؛ مزج اللياقة مع الترفيه. دلوقت وعلى الرغم أن الجملة دي بـ تجيب في العقل صور مش لطيفة عن فيديوهات الرياضة والتمارين الغريبة من الثمانينات، لكن المهووسين باللياقة فيEl- Fit  قدروا يلاقوا طريقة يقدروا يشجعوا بها القاهريين على كافة المستويات.

الموسم الثاني من المهرجان هـ يكون مكانه في أب تاون كايرو في المقطم، في مساحات واسعة خضراء (اللي نتمنى حد يستغلها صح في البلد دي) المهرجان المرة دي هـ يكون على مدار يومين زي الموسم الأول، كثير من المرح هـ يكون هناك: تحديEl-Fit  اللي عبارة عن مسار مليان بالعوائق اللي ما بـ ترحمش مصمم لاختبار أكثر المهووسين باللياقة في القاهرة، زي المرة اللي فاتت المسابقة هـ تكون مُقسمة على أربعة أقسام: رجال وسيدات وأكثر من 40 سنة والفِرق (اللي أكثرهم هـ تستحق المشاهدة).

هدفEl-Fit  أنه يوفر تجربة لطيفة وظريفة للجميع، مافيش هزار وقت ما تيجي لتحدي El-Fit  مع جوائز بقيمة 40.000 جنيه على الثلاث المراكز الأولى في كل فئة، ده جانب واحد من المهرجان اللي بـ يأخذ اللياقة البدنية بجدية شديدة.

خليكم جزء من المعارك الجامدة اللي مستنياكم، هـ تلاقوا نشاط يناسبكم من الأنشطة الكثيرة اللي بـ تشمل حصص هائلة من الزومبا والـ Jazzercise، بالإضافة للجري الطويل بقيادة Cairo Runners وركوب دراجات لمسافات طويلة مع GBI (المبادرة العالمية لركوب الدراجات) فريق مصر، في الوقت اللي أطفالكم هـ يستمتعوا بيوم مميز وكمان علشان الوعي الرياضي عندهم يزيد.

تقدروا تحجزوا تذكرتكم للنسخة الثانية من مهرجانEl-Fit  للياقة البدنية من على موقع كايرو 360، ولمزيد من المعلومات شوفوا صفحةEl-Fit  على الفيسبوك.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح