The Definitive Guide to Living in the Capital , Cairo , Egypt

من وقت تأسيسها فى 2012، كايرو رانرز Cairo Runners -بجد فكرة فريدة من نوعها، بـ تقدم لكل عشاق الجرى من أهل القاهرة متنفس اجتماعى لياقى مميز. الجرى متاح لكل الفئات، والفكرة ببساطة أن مجموعة من الناس تتقابل الصبح كل يوم جمعة، ويبدأوا خط سيرهم من مناطقة يتم تحديدها مسبقًا. الغرض من السباق هو تحضير ماراثونات منها المصغر ومنها الكامل بهدف تجميع تبرعات، وكل مرة خط السير بـ يطول شوية عن اللى قبله.

بعد الحماس والإثارة اللى قدموها من بداياتهم، فريقهم سريعًا قرر ينظم أول سباق مصغر، بطول 4كم حول الزمالك. من ساعتها، أول نصف ماراثون ينظموه كان فى أوائل السنة اللى فاتت، وتم تنظيم سباق من 7كم للتوعية بخطورة مرض السكر، بالتعاون مع الاتحاد المصرى لطلاب الصيدلة. ومع التفاعل الإيجابي المستمر من جانب المشاركين، كايرو رانرز دلوقت بـ تجهز لثانى نصف ماراثون، يغطى 21كم بحالهم يوم 28 فبراير 2014.

على غرار ماراثونات عالمية مشهورة، زى مثلاً ماراثون لندن، بـ يتم دعوة المشاركين للتبرع لجمعيات خيرية من اختيارهم، وكمان جزء من رسم الاشتراك البسيط بـ يروح لجمعية “عشانك يا بلدى”. الجمعية الخيرية المختارة عن طريق كايرو رانرز بـ تروج لفكر التنمية المستمرة بين الشباب المصرى.”عشانك يا بلدى” هى منظومة مهمة بـ تنظم حملات للتوعية بأهمية تغيير سلوك المجتمع ومحاربة الفقر والنظرة الطبقية للفقراء، والدفاع عن حقوق العمل وتطبيق الحد الأدنى للأجور، بجانب أهداف ثانية كثير. علشان تعرف أكثر عن أعمالهم الخيرية، وإزاى تقدر تشارك، ادخل هنا.

بداية من الساعة 6.30 صباحًا عدد من شوارع القاهرة الجديدة هـ يتم إغلاقها رسميًا لتنفيذ المسابقة، ويقدر أصحاب وعائلات المشاركين يشجعوهم فى موقع الحدث. لو شايف أن 21كم كثير شوية، فيه طريقين أقصر، واحد منهم طوله 7كم، وواحد ثانى بطول 1كم، ويسمح لعدد خمسة من أفراد العائلة يجروا معاك مقابل 100جنيه بس، للاستمتاع بيوم من المرح واللياقة لكل العائلة. المراسم الاحتفالية بـ يكملها حضور واحدة من أشهر الفرق المصرية.

بالنسبة للمبتدئين، تم عمل برامج لياقة متوفر للمساعدة فى بناء اللياقة وقوة التحمل، الطريقة المضمونة هى الجرى السريع شوية، وبعدين المشى لمسافات صغيرة، ينصح بها لتحقيق نتائج قوية فى وقت قليل.

بجانب مسابقات الجرى المعتادة، تطور كايرو رانرز ليتحول إلى مجتمع من الناس، وتكوين صداقات مع الأعضاء مع تنظيم جدول من الفعاليات المثيرة. فى الأيام الأخيرة، أعضاء كايرو رانرز المخلصين أتيحت لهم فرصة السفر لبيروت والجرى فى ماراثونها السنوى. وكمان، بـ تقام حوارات ونقاشات لها علاقة بموضوع الجري وأنشطة رياضية أخرى بـ تقام باستمرار.

للاشتراك فى مسابقتهم للنصف ماراثون، اعمل زيارة لواحدة من مراكزهم المنتشرة فى أماكن كثيرة؛ هـ يطلبوا منك دفع رسم اشتراك بسيط علشان تحصل على رقمك. لمعلومات أكثر عن كايرو رانرز، ومتابعة أخبار السباق الأسبوعى، تابعهم على الفيسبوك، أو ادخل على موقعهم الرسمى من هنا.