The Definitive Guide to Living in the Capital , Cairo , Egypt

صحة ولياقة
ويلو ستريم سبا – Willow Stream Spa

ويلو ستريم سپا: مساج فاخر في فيرمونت نايل سيتي

  • فندق فيرمونت، أبراج نايل سيتي
تم التقييم بواسطة
Anne de Groot
قيم
قيم الآن
ويلو ستريم سپا: مساج فاخر في فيرمونت نايل سيتي

بعد
التجول في أجواء القاهرة، أكيد هـ تحتاج أنك تدلع وتريح بشرتك شوية. التلوث الدائم
وهواء الصحراء الساخن يقدر يبوظ أجدعها بشرة، وهنا بـ تبقى زيارة للسپا مهمة
ومفيدة جدًا، لو بس ما تكونش غالية قوي.

«ويلو
ستريم سپا» فتح قريب في فندق فيرمونت نايل سيتي، موجود في الدور الأول تحت حمام
السباحة بتاع الفندق اللي على الرووف، وده له منظر جميل مُطل على البلد. يعني في
يوم الجو فيه صافي، تقدر تشوف الأهرامات من على بعد.

أول
ما تدخل السپا العصري هـ تلاقي العاملين هناك بـ يرحبوا بك. على الشمال هـ تلاقي
السپا وعلى اليمين هـ تلاقي مركز التجميل وصالة الچيم. فيه كمان محل صغير تقدر
تشتري منه المنتجات اللي بـ تُستخدم في السپا والشباشب، أرواب الحمام، ومجموعات
الهدايا.

السپا
فيه جناحين مختلفين واحد للرجال وواحد للنساء، لكن لو عاوزين جلسة علاج ثنائي تقدر
تحجز غرفة خاصة. الغرف الخاصة مكونة من ترابيزتين علاج وبانيو واسع، تقدر تأخذ فيه
حمام باللبن أو العسل. خلف مكتب الاستقبال فيه لاونج اللازورد، وده للرجال
والنساء.

غرف
تغيير الملابس مش كبيرة قوي، لكن برضه مش ضيقة، والدواليب صغيرة شوية. قبل الجلسة
بـ يعطوا لك شبشب وروب حمام نظيف وملابس داخلية للاستعمال
لمرة واحدة. غرف تغيير الملابس
فيها مجففات شعر، مكوات شعر، فوط، أمواس حلاقة، بونيهات الدش، وكمان بودي لوشنز
وميزان. والشخص اللي هـ يعمل لك المساج بـ يصطحبك لغرفة تغيير الملابس.

غرف
العلاج جوها عصري جدًا وهادئ، وبـ يبقى فيها مزيكا هادئة شغالة. إحنا جربنا تدليك
الساعة واحدة للاسترخاء. المدلكة كانت ودودة جدًا وبـ تحاول تخليكي مرتاحة على قد
ما تقدري. الأول بـ تتم تغطيتك بفوط ساخنة، وتحتيك على الأرض بـ يبقى فيه طبق بروائح
جميلة. المدلكة بـ تدلك عضلات الجسم كويس، وبـ تسأل وتتأكد إذا كانت قوة ضغطها
مناسبة ولا لأ. فيه كمان تدليك للوجه والشعر، بس لو أنت عاوز.

بعد
جلسة التديك، تقدر تروح لغرفة الاسترخاء بمنظر مُطل على النيل وتأخذ فنجان قهوة،
كوباية شاي، أو ماء ليمون- فراولة وأنت بـ تقرأ مجلة. تقدر تستخدم غرفة البخار،
وبعدها ممكن تهدي أعصابك في حمام المطر أو دش الضباب البارد. في دش المطر، الماء
بـ ييجي من كل حتة حواليك. وفي دش الضباب البارد تقدر تشغل الضباب اللي بـ يعطي
خليط من الهواء البارد مع الماء الساخن مع بعض.

«ويلو
ستريم سپا» بـ يقدم لك تجربة للاسترخاء فاخرة، بأسعار حراقة. التدليك، ماسكات
الوجه، وكام جلسة علاج ثانية بـ يكلفوا من حوالي 766 جنيه (129 دولار) وأنت طالع.

نصيحة 360

فندق فيرمونت نايل سيتي بـ يقدم عضوية صالة الجيم بـ 1000 جنيه في الشهر، وتقدر تستخدم فيها حمام السباحة، السپا، وصالة الچيم.

أحسن حاجة

جلسات التدليك كويسة جدًا.

أسوأ حاجة

مافيش ساونا.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح