The Definitive Guide to Living in the Capital , Cairo , Egypt

صحة ولياقة
فيت نيشن – FitNation

FitNation: مبادرة الرياضة للجميع فى جيم بالتجمع الخامس

تم التقييم بواسطة
Ahmed Abd El Gawad
قيم
قيم الآن
FitNation: مبادرة الرياضة للجميع فى جيم بالتجمع الخامس

يعنى إيه FitNation:

ده أول سؤال لازم حضرتك تسأله علشان تعرف إحنا بـ نتكلم عن إيه.. وهنا لازم نقف ونقول لك الأول: "أنت بـ تحب الرياضة؟" طب عندك استعداد تقضى حوالى ساعة كل يوم فى التمرين.. لأ، لأ مش الجيم ومش الأيروبكس ومش الكارديو.. هى حاجة كده قريبة من اللى فات لكن بفكر جديد.

 

المبادرة:

قررنا نروح نشوف إيه مبادرة FitNation فى التجمع الخامس وإيه موضوع الرياضة اللى بـ يلعبوها، هل هى حاجة مختلفة ولا إيه.. ولما تكلمنا مع كابتن "محمد المصرى" صاحب المبادرة لاقينا نفسنا أمام حد مثقف بجد مش بس رياضى.

اتضح أن فكرة المبادرة قائمة على البرنامج العالمى الرياضى المعروف باسم "Insanity" وجنب ده الفكرة قائمة على رفع وعى الناس بالرياضة وتحويل تفكيرهم علشان يبقى صحى أكثر وده عن طريق مجموعة من التمارين الرياضية المخصصة ببرنامج محدد، ومش لازم يكون عندك خلفية رياضية علشان تتمرن معاهم.. يكفى أنك تستمر شهرين علشان تلاقى فرق كبير فى صحتك وقوتك ولياقتك العامة كمان.

 

وصف المكان:

المكان عبارة عن ملعب أقل من الخماسى شوية.. يتسع لحوالى 40 شخص يتمرنوا فيه بسهولة من غير ما تكون المساحة مضايقاهم.. وهو ملعب مرتبط بجيم اسمه "Vein Gym" واخد دور فى مول اسمه "Mall 66" فى التجمع الخامس.

 

البرنامج:

البرنامج المتبع عبارة عن مجموعة تمارين رياضية مرتبطة باللياقة العامة والإطالات واكتساب القوة وكمان اكتساب مظهر جسدى جميل ورشيق.. ولازم نقول أن ده من غير تمارين الجيم المعروفة وإنما تمارين جسدية كلها.. ممكن يكون الموضوع صعب فى أوله لكنك هـ تستمتع به بعد كده، وأى حد يعرف يعمل التمارين دى والموضوع ده بـ يتطلب مستوى عالى من الالتزام.. وممكن تعمله فى البيت لكن ده عاوز التزام منك ومساحة فاضية وكمان تشتغل صح.. علشان كده كابتن المصرى بـ يركز فى التمرين على "التكنيك وطريقة عمل الحركة" والحالة النفسية القوية اللى بـ تبقى فى تجمع الناس مع بعض فى التمرين.. وكمان بـ يركز مع الناس علشان يعملوا كل الحركات صح علشان ما يبقاش فيه إصابات.

 

معلومات مهمة:

التمرين بـ يختلف من شخص للثانى ومن ولد لبنت حسب معدل حرق الدهون عنده وحسب أداؤه فى التمرين وقوته الجسدية.. لكن فى النهاية لازم توصل لمستوى جيد من رفاهية اللياقة البدنية وقوة التحمل والجسم الرياضى.

وعلشان تبقى النتيجة قوية لازم تتبع نصائح كابتن "محمد المصرى" فى التغذية وهى سهلة جدًا.

–         اشرب مياه كثير على قد ما تقدر.

–         ابعد عن السمن والزيوت والزبدة والسكر.

–         تناول وجبات كثير لكن بكميات قليلة.

–         اوعى تأكل قبل النوم بثلاث ساعات.

وفى النهاية اللى عاوز يشترك يقدر يكلمهم ويروح على طول، هما بـ يتمرنوا كل يوم وتكلفة الاشتراك فى الشهرين 1500 جنيه.

نصيحة 360

زور صفحتهم على الفيسبوك.

أحسن حاجة

الراحة النفسية فى المكان ومستوى التدريب الراقى.

أسوأ حاجة

الأسعار غالية شوية.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح