The Definitive Guide to Living in the Capital , Cairo , Egypt

مع اختيارات ترفيه كثيرة منتشرة فى القاهرة، بـ تتأثر بتغير الأذواق والأفكار المعاصرة، الحفلات الموسيقية الحية تفضل واحدة من الطرق القليلة الثابتة على موقفها لحد ما بعيدًا عن زحف وتدهور مستوى وسائل الإعلام.باعتبارها طريقة مناسبة لقياس موهبة وقدرات الموسيقيين، حفلات الموسيقى الحية مهمة لإحداث ثورة فى أسلوب أداءالفنانين. لو اتعملت مضبوط، يبقى الحضور –أو اللعب– فى الحفلات ممكن تبقى واحدة من أجمد الطرق لقضاء وقت ممتع؛ إحنا فى كايرو360 قررنا نجمع لكم سبعة أماكن بـ تقدم حفلات موسيقية باستمرار فى القاهرة.

 

ساقية عبد المنعم الصاوى

بشهرته الكبيرة، المكان الواسع معروف باستضافته مجموعة كبيرة من حفلات الموسيقى، ومعارض، وأكشاك معروضات وعروض مسرحية. مع حجوزات لفرق وموسيقيين الأندر جراوند منهم والمعروفين، تعتبر ساقية الصاوى الثقافية واحدة من أكثر الأماكن المضمونة لحضور الحفلات الأسبوعية. صحيح سياسة دخول الساقية مافيهاش انتقاء كبير، وكمان مش كل جمهورها مثقف كفاية، لكن العروض دائمًا مناسبة للعائلات وتنفيذها مميز.

 

كايرو جاز كلوب 

آخر ستة أشهر شهدوا رفع كايرو جاز كلوب لمعاييره، وأثبت اعتمادًا على سمعته القوية أنه المكان المناسب لحضور مجموعة من أفضل العروض المحلية والعالمية، صحيح كثير من الناس رايحين وعينهم على البار، لكن صالة رقص كايرو جاز كلوب تستحق المشاهدة فى أى يوم من أيام الأسبوع. رغم أن المكان زحمة شوية، ودى حاجة ممكن تضايق بعض الناس خلال أيام الويك إند، لكنهم قدروا يحافظوا على حيوية وجاذبية السهرات.

 

مسرح الجنينة

فى منطقة من مناطق القاهرة المنعزلة نسبيًا، مسرح الجنينة يحتل جزء من حديقة الأزهر بمكانها على شارع صلاح سالم. باستضافته كل حاجة بداية من نجوم العرب لغاية حفلات أوركسترا، ومن حفلات موسيقى روك لعروض فلكلورية، مسرح الجنينة بـ يقدم هدية لكل عشاق الموسيقى على اختلاف أذواقهم.

مسرح روابط مكانه فى واحد من أهم المناطق الثقافية فى العاصمة، وهى طبعًا وسط البلد. باعتباره مكان مألوف للفنانين والموسيقيين المحليين، الملتقى الثقافي يعتبر مكان استراتيجى لفرق الأندرجراوند للوصول لقطاع جماهيرى أكبر. يمكن المسرح مش أرقى مكان، لكنه بـ يتعامل مع الفرق والجمهور بعدالة، ويعتبر واحد من أحسن الأماكن لما نتكلم عن تشجيع المواهب.

 

مكان

مكان معروف من أصوله الشعبية وبرامجه، بـيعمل تجديد على الشكل الفني والموسيقى المصرى التقليدي. مكان بـ يقدم عروض أسبوعية تقدر تحجز من بينها حفلات لمؤديين وفرق، بداية من موسيقى الراى النادرة لغاية فرق من عازفين على الناى والعود. النوع ده من تشجيع الهوية الثقافية والفنية الأقل ظهورًا فى مصر هو سبب كون مكان واحد من أفضل أماكن تقديم الإنجازات الموسيقية المصرية.

 

بيت الرصيف

وسط حى المعادي، المركز الثقافى الشهير، بيت الرصيف بـ يستضيف أشكال متنوعة من المعارض الفنية، منتديات سياسية واجتماعية، مع عدد من الفرق والموسيقيين. نتيجة لجدولهم المليان بالفعاليات المثيرة، قدر المكان أنه يصقل المواهب الشابة، وينشر التوعية بالمشكلات الاجتماعية، وفى نفس الوقت إمتاع حشد جماهيرى بعروضهم الحية.

 

فينت VENT                                                   

من بدايتهم فى 2013 “فينت -VENT ” نجح نجاح كبير فى جذب أعداد مهولة من الجماهير لحضور كل حاجة بداية من تصوير الأفلام، وصولاً لحفلات موسيقية صاخبة لفنانين الأندرجراوند المجهولين. صحيح المكان يعانى من بعض المشاكل محتاج يحلها من ناحية نظام الصوت، لكن فينت بـ يقدم شكل جديد للموسيقى والفن، والأحسن من كل ده، وصوله وإمتاعة لنوعية جمهور غير مهتمة بالنوع ده من الفنون.

 

“اوعى تنسى”

كونها تمثل قمة العظمة والرقى الثقافى، دار الأوبرا المصرية مكان أساسى لأى واحد يتمنى الغوص وسط عروض رائعة من السيمفونيات، عروض الباليه، المسرحيات، الأوبرا وأشكال موسيقية ثانية. بالنسبة للى بـ يدور على عروض مسرحية متغيرة، مسرح الفلكى هو جوهرة الجامعة الأمريكية المسرحية وكمان بـ يستضيف أحيانًا عروض موسيقى حية. ستوديوهات فايب Vibe Studios بـ تضمن لعشاق الموسيقى جلسات احترافية مضمونة داخل الستوديو بواسطة أشهر الأسماء الموجودة على الصعيد الموسيقى. المكتبة الفنية بيكيا (فى المعادى ومدينة نصر) ومكتبة صوفى فى الزمالك قدموا مؤخرًا لمحة عن فرق الأندرجراوند الهندية اللى بـ يقدموا أحيانًا عروض فى فروعهم المريحة.لو ذوقك أقرب للغموض والانعزال “100كوبيز ميوزك سبيس – 100Copies Music Space” بـ يستضيف موسيقيين من الهواة والمحترفين بمواهب جميلة ومتعددة.

 

تابع أجندة كايرو360 لكل العروض والحفلات الموسيقية فى الأماكن دى وأكثر.