The Definitive Guide to Living in the Capital , Cairo , Egypt

فن وثقافة
اكتب بوك ستور

اكتب بوك ستور: منفذ جديد للكتب فى مدينة نصر

  • 40 ش أحمد قاسم جودة من عباس العقاد - خلف سيراميكا كليوباترا - مدينة نصر
  • مراكز ثقافية
تم التقييم بواسطة
Ahmed Abd El Gawad
قيم
قيم الآن
اكتب بوك ستور: منفذ جديد للكتب فى مدينة نصر

بعيد عن المركزية بتاعة وسط البلد، بعيد عن التجمع المعروف
للكتاب على قهاوى وسط البلد فى منطقة جديدة تمامًا فى مدينة نصر، يعنى حضرتك تنزل
رمسيس وتأخذ عربية أول عباس، ومن هناك ممكن تتمشى أو تأخذ عربية ثانية رايحة آخر
الشارع، وتقول له نزلنى عند محل سيراميكا كليوباترا، أول ما تنزل هناك هـ تخش من
جنب سيراميكا هـ تلاقى شارع وراها اسمه قاسم جودة، هنا يبقى حضرتك وصلت للمكتبة،
مكتبة “اكتب بوك ستور”.

المكتبة لسه جديدة يعنى فتحت شهر مايو 2012 بالتحديد فى
3 مايو وحضر فيها عدد كبير من الكتاب والأدباء والشعراء والروائيين وكتاب القصة،
والمهتمين بمجال الكتب والنشر والتوزيع، وكان الاحتفال الكبير بالمولود ده لمجموعة
من الأسباب وأهمها: أن المكتبة تابعة لدار اكتب للنشر يعنى منفذ بيع جديد لكل كتب
المكتبة، وأن دار اكتب بدأت صغيرة وعانت كثير لحد ما عملت الاسم ده “دار اكتب
للنشر” ولأنها تعتبر من أكثر دور النشر اللى بـ تصدر أعمال للشباب، وأخيرًا لأن
الناس اللى كانت هناك فرحانين بجد بالفكرة، وده كان باين عليهم وهما بـ يتكلموا عن
المكتبة.

حضرتك لما هـ تعمل بالوصفة اللى قولنا لك عليها وتوصل
هناك هـ تلاقى المكتبة فى شارع هادئ مساحتها متوسطة مش كبيرة جدًا ولا صغيرة، لكن
أول حاجة هـ تلفت انتباهك هو الترتيب الجيد للكتب فيها ومحاولة المكتبة إظهار كل
الكتب الموجودة عندها فى شكل عرض جميل، وأكثر حاجة حلوة عملها يحيى هاشم صاحب
الدار هناك هو أنه حاطط فى المكتبة كتب دور نشر ثانية غير “اكتب”، يعنى
هـ تروح هناك هـ تلاقى الكتب اللى أنت عاوزها من دور النشر المشهورة.

الفكرة هنا أنه استخدم مكان جديد بالفعل زى مدينة نصر
وحاول يعمل فيه سوق كتاب جديد، يعنى فتح منفذ جديد لبيع الكتاب، وكمان لعمل أمسيات
ثقافية وأدبية داخل المكتبة، ودى خدمة ممكن تكون مدينة نصر كانت محتاجها، وأخيرًا
لازم نقول أن افتتاح مكتبة فى مكان جديد لا يعتبر سوق للكتاب هو مجازفة تستحق
التحية فى وقت زى اللى بـ نعيشه دلوقتى.

نصيحة 360

زور صفحتهم على الفيسبوك علشان تعرف أكثر عن دار النشر.

أحسن حاجة

المكان جديد وخدمة جيدة لسكان مدينة نصر.

أسوأ حاجة

المكتبة كانت محتاجة تكون أكبر شوية باعتبارها بـ تخدم مدينة نصر كلها تقريبًا.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح