The Definitive Guide to Living in the Capital , Cairo , Egypt

فن وثقافة
“القصص الشخصية – Personalized books”

“القصص الشخصية”: لما تبقى بطل مع “سبايدر مان” فى كتاب واحد

تم التقييم بواسطة
Engy Azzam
قيم
قيم الآن
“القصص الشخصية”: لما تبقى بطل مع “سبايدر مان” فى كتاب واحد

“لما
يلاقى الطفل نفسه موجود داخل قصة ومندمج مع الشخصية الكرتونية اللى بـ يحبها فى
أحداث الكتاب هـ ينجذب ناحية الكتاب، وهـ يُفاجأ ببياناته الشخصية وهواياته وأسماء
أصحابه وقرايبه موجودة في صفحات القصة”.. ده اللى قالته “أسماء
رجائى” مدرسة لغة إنجليزية وأم لـ “حبيبة” 7 سنوات ومديرة مشروع
“القصص الشخصية” فى مصر.

 “أسماء” كانت بـ تدور على وسيلة
ترفيهية تشجع الأطفال على القراءة وتخليهم يحبوها، فمن الشائع أن الأطفال والكبار
مش بـ يميلوا ناحية القراءة وبـ يمارسوا أنشطة ثانية، وبالتالى ما لقيتش غير تنفيذ
فكرة “القصص الشخصية” فى مصر، وهو مشروع موجود فى الولايات المتحدة
الأمريكية من زمان وبدأ ينتشر فى بعض دول الخليج.

القصص الشخصية لاقت قبول كبير من
الأطفال، وبقى فيه قاعدة كبيرة من القراء الأطفال بـ يتصلوا بـ “أسماء”
ويطلبوا  قصص جديدة، مش بس كده، الكبار
كمان بقوا يحبوا الكتب دي، وخصوصًا المخطوبين، هم كمان بـ يحبوا يفاجئوا نصهم الثانى
بقصص كرتونية بـ يحبوها.

ومن وجهة نظر “أسماء”،
الكتب  دي تختلف عن قصص الكرتون العادية فى
أنها معتمدة على عنصر المفاجأة، اللى بيقرأ الكتاب هـ يلاقى اسمه جوا كتاب مجسم، ويشوف
نفسه بطل من أبطال الرواية، على سبيل المثال ممكن يكون الطفل مساعد لـ “بات
مان” فى العثور على الأشرار أو رفيق “عروسة البحر” اللي بـ تبحث عن
أبوها المفقود.

الكتب الشخصية بـ تُنفذ فى ثوانى،
مجرد بـ تملأ استمارة فيها معلومات عن الاسم، واسم الدلع، والسن، واسم الأب، والأم،
والأجداد، والبلد، واسم المدرسة والمدرس المفضل والإهداء، وقريب جدًا هـ يبقى فيه
قصص كرتون مصرى زى “بكار”، أو “بوجى وطمطم” أول السنة القادمة،
بالإضافة إلى 37 قصة موجودين مع أسماء، منهم قصص كرتون معروفة زى
“سوبرمان” و”باتمان” و”سبايدر مان”، و”جارفيلد”.

طبعا أسعار الكتب بـ تختلف حسب قصصها ومدى شهرتها،
والصور الموجودة فيها، وبـ تبدأ من أول 60 جنيه.

لحد دلوقتى مفيش مكان ثابت لأسماء ومشروعها، وإنما ممكن
تتواصل معاها عن طريق صفحتها على الفيس، ودائمًا بـ تعلن فيها عن وجودها فى معارض
معينة، وأيام مفتوحة، وممكن كمان تتصل بها علشان تبعت لك الكتاب.

من الحاجات اللطيفة اللى بـ تقدمها
“أسماء” كتاب “المولود” أو “البيبى بوك”، فى أول
صفحة فيه بـ يقدم المولود نفسه للناس، وبعدين بـ يبقى فيه معلومات عن الساعة اللى
اتولد فيها، ووزنه وطوله، الدكتور اللى قام بتوليده، والمكان اللى اتولد فيه واسم
المستشفى اللى اتولد فيها، أهم الأحداث اللى كانت موجودة فى مصر أيام ما اتولد،
يعنى باختصار هو كتاب بـ يسجل أهم اللحظات فى السنة الأولى للبنت أو الولد، وسعر
كتاب “البيبى بوك” هو 100 جنيه.

نصيحة 360

جروب المشروع على الفيس بوك: MyBook-Egypt "Personalized Stories http://www.facebook.com/groups/151279184897808

أحسن حاجة

التنوع فى القصص، وفى اللغة كمان.

أسوأ حاجة

لسه مافيش مكان ثابت للمشروع ده.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح