The Definitive Guide to Living in the Capital , Cairo , Egypt

حوار العقل والروح لجورج بهجوري في جاليري المسار

جاليرى المسار: حوار العقل والروح لجورج بهجورى

  • 157ب شارع 26 يوليو
  • معارض
  • 0227368537
  • 11 صباحاً - 9 مساءً (أيام الجمعة بمواعيد مسبقة)
تم التقييم بواسطة
Jessica Noble
قيم
قيم الآن
جاليرى المسار: حوار العقل والروح لجورج بهجورى
سر شهرة جورج بهجورى والمعروف بفن الكاريكاتير المصرى ما حصلش نتيجة رسوماته السياسية بس، إنما كمان بسبب عروضه الحية الغنية بالألوان من خلال رسوماته. معرض “حوار العقل والروح” فى جاليرى المسار مش بـ يكسر القاعدة.

المجموعة دى زى ما بـ يوحى اسمها بـ تجسد الحوار بين عقل الفنان وروحه. وكطريقه منه لتبرير أفكاره، واضح أن بهجورى وضع كل أفكاره مرة واحدة على اللوحات، وده نتج عنه رسومات مزدحمة، حماسية تبعث على النشاط؛ معظمهم بـ يحسسك بهالة من البهجة والسعادة.

الرسومات المليانة بتكوينات مشهورة فى دول المتوسط عبارة عن مجموعة من الوسائط المختلفة وكثير منها يتضمن شكل الخيامية؛ وهى لوحة بـ ترتبط جدًا بتراث مصر. تقدر بسهولة تربط بين فكرة اللوحات اللى بـ تعرض مشاهد متشابهة من الحياة اليومية العادية وثقافة المصريين.

بهجورى بـ يستوحى إبداعاته من الأحداث اليومية، بـ نشوف فى لوحتين لهم نفس الفكرة إزاى بـ يجسد منظر نموذجى للقاهرة، واحد فيهم عبارة عن مشهد كلنا بـ نعشقه، مراحل خبز ورص وبيع العيش البلدى. أول لوحة من المجموعة المثيرة الغنية بالألوان اسمها “بائع الخبز 1″، وبـ يصور فيها شخص شايل قفص عيش فوق رأسه وراكب عجلة بـ يتحرك بها وسط الزحمة. اللوحة الثانية المكملة اسمها “بائع الخبز 2” بـ ترسم عملية بيع العيش فى السوق لعدد كبير من الأيادى الممدودة وجوهها مش واضحة المعالم.
لوحة ثانية مليانة بالنشاط والإثارة بـ تصور واحد من أهم أسواق القاهرة وأماكن الفسح القديمة وهى خان الخليلى. القطعة المثيرة بـ تضم لى الشيشة، والسجائر، وماتش طاولة بين اثنين، وطبعًا أكواب شاى كثيرة. الخلفية بألوانها الهادئة وتصميمات الخيامية بـ تعكس الجو المشجع فى المكان.

كملنا رحلتنا مع المعرض، وشوفنا لوحة ثانية شديدة التعلق بالحياة اليومية فى القاهرة، وهو مشهد صلاة الجمعة. الرسمة اللى مش واضحة لدرجة كبيرة فيها كل الشخصيات لابسين جلابيات بيضاء. الصورة بـ توضح مجموعات المصلين وهم فى مراحل الصلاة المختلفة، مرحلة خلع الأحذية وقت دخول المسجد، والركوع أو الوقوف. الشيء اللى حافظ على تماسك الصورة كمشهد متكامل هو أن كل الشخصيات بـ تشترك فى نفس تعبيرات الوجه الحازمة المصممة.
وعلى الرغم أن معظم رسومات بهجورى هزلية ولها شكل مبهر، لكن بعضها بـ يكشف عن جانب سيء بخصوص بعض تقاليدنا. لوحة لراقصة شرقى جسمها مليان على سبيل المثال بـ ترقص قريب من واحد موسيقى فى الفرقة، واللوحة دى بـ تقع فى منطقة بين الهزلية والتناقضات الغريبة الموجودة فى مجتمع متهالك.

أغلب لوحات “حوار العقل والروح” مش محتاجة تفكير عميق، خصوصًا بالنسبة للقاهريين، لأنهم يقدروا يعرفوا فورًا المشاهد المألوفة فى مصر. معرض جورج بهجورى بـ يبرز خصائص رائعة وفريدة من بلدنا، واللى ممكن نهملها ونقلل من تقديرها وسط زحمة ودوشة جدول حياتنا المزدحم.

نصيحة 360

المعرض مفتوح ليوم 21 فبراير، ومعاه معرض ثانى لسامى أبو العزم اسمه "اغتراب".

أحسن حاجة

العروض البصرية المبهجة والغنية بالألوان لجزء من تقاليدنا المفضلة.

أسوأ حاجة

بعض الصور بـ تخلق نوع من الإحساس بالتشاؤم، حسب تفسيرك لمعناها طبعًا.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح