The Definitive Guide to Living in the Capital , Cairo , Egypt

معرض الترتيب العشوائي في جاليري سفر خان

جاليرى سفر خان: معرض “الترتيب العشوائى” لأحمد قاسم

تم التقييم بواسطة
Alicia Yassin
قيم
قيم الآن
جاليرى سفر خان: معرض “الترتيب العشوائى” لأحمد قاسم
الفنان المعاصر أحمد قاسم قرر يحتل الجزء الأكبر من جاليرى سفر خان معظم شهر فبراير علشان يقدم أحدث معارضه “الترتيب العشوائى”.
لما بصينا على المعرض من الشباك الكبير الموجود فى الخارج، حسينا أن فيه حاجه مشوقة بـ تشدنا مع القطع الكثير اللى بـ تتميز بأشكال ممتعة وأنماط ديكور مختلفة. المعرض بـ يركز على الأحداث السياسة الحالية فى مصر، بـ يحاول أحمد أنه يعبر عن مشاعره الشخصية بواسطة الشعارات، والرموز البصرية والعناصر المترابطة، وفى نفس الوقت بـ يتيح الفرصة للجمهور أنه يطلق العنان لخياله فى تفسير معنى المعروضات.
أول ملاحظة لنا بالنسبة لشغله كان التكنيك المستخدم، أو نقصه. الكلام ده تحديدًا كان على أول لوحتين مُعلقين قريب من الباب. باستخدام صورة بين كائن فضائى وإنسان ألي فى مقدمة اللوحة، الظهور الأكبر كان للخلفية اللى فيها فكرة شرقية مكررة بسبب اللخبطة الموجودة أكثر من الإتقان. الاختلاف بين الصورة التقليدية والتخيل المستقبلى كان مشوق، لكن تنفيذ الفكرة غير المتقن كان مش مقنع.

قطع أحمد قاسم الأكبر حجمًا كانت أحسن كثير. بـ يستخدم ألبوم فى واحدة منهم للتعبير عن كل النماذج والأفكار السياسية. بومة منهم بـ تمثل الجيش، وواحدة ثانية بـ تمثل التيار الإسلامى، فى حين أن بومة حجمها كبير –معمول لها تمويه فى الخلفية بطريقة ما- بـ تعبر عن الطرف الثالث فى الثورة وبـ تصوب مسدس على بومة بـ تمثل الشيخ الراحل عماد عفت.
قطعة كبيرة كمان بـ تصور نموذجين من مواجهة الكائن الفضائى مع الإنسان الآلى قاعدين على كنبة وبـ يلعبوا ألعاب فيديو وتحتها عناوين زى “لعبة الديمقراطية”، و”لعبة الخيانة” و”لعبة الانسحاب”. قدرات أحمد الفنية بـ تظهر بشدة فى اللوحة دى؛ الأشكال الهندسية الموجودة فى المقدمة، والتفاصيل الدقيقة للأثاث والتكنيك المستخدم عمومًا كلهم كانوا قمة فى الإبداع.

القطعة الأجمل من وجهة نظرنا من بين كل المعروضات كانت مُعلقة فى الدور العلوى، وبالمقارنة مع اللوحات السابقة، تعتبر غاية فى البساطة على عكسهم. خيال رجل على ركن الصورة اليمين بـ يصوره وهو بـ يقضى حاجته، والصورة نفسها بـ يستخدم فيها اللون الرمادى الشاحب مع تظليل خفيف علشان يخلق شكل المبانى المحيطة. الشعاع الأصفر كمان بـ نشوفه نازل من سطح عمارتين متقابلين، وده كان العنصر الملون الوحيد فى اللوحة. سبب تقديرنا لرمزية اللوحة دى بالتحديد كان بسبب بساطتها، وإيجازها وروح الدعابة فيها. 

رؤية أحمد قاسم للوضع الحالى سمحت له يبنى طبقات بـ تساعد المشاهد على تخيل عدد لا نهائى من القصص والتفسيرات والربط بين الأحداث على حسب طريقة تفكير كل واحد. ورغم كده، بعض اللوحات كانت مش متقنة ومحتاجة تركيز أكثر وإحساس أعلى.

نصيحة 360

جاليرى سفر خان مفتوح من الاثنين لحد السبت من 10صباحًا: 2 ظهرًا، ومن 5 عصرًا: 9 بالليل.

أحسن حاجة

أحمد قاسم بـ يعرض فكر فنى مختلف مع الحفاظ على ترابط وسهولة أعماله.

أسوأ حاجة

بعض الفوضى فى لوحاته سببت مشكلة فى توصيل الهدف منها.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح