The Definitive Guide to Living in the Capital , Cairo , Egypt

معرض ’رؤى معاصرة الرابع‘ في جاليري المسار

جاليري المسار: “رؤية معاصرة IV – الممارسات التصويرية”

  • 157ب شارع 26 يوليو
  • معارض
  • 0227368537
  • 11 صباحاً - 9 مساءً (أيام الجمعة بمواعيد مسبقة)
تم التقييم بواسطة
Cairo 360
قيم
قيم الآن
جاليري المسار: “رؤية معاصرة IV  – الممارسات التصويرية”

«جاليري
المسار -AL Masar
Gallery »
في الزمالك بـ يحتفل بمرور ثلاثة أعوام على افتتاحه وبـ يقدم قسم رابع “لرؤيتهم
المعاصرة” في معارض جماعية عنوانها “الممارسات التصويرية” وبـ يعرض
أعمال أكثر من 15 رسام ونحات مصري وبـ يركز على الحياة اليومية للمصريين في السنين
الماضية.   

الشيء المميز والمثير في المعرض الأساليب
المختلفة للفنانين المشاركين. هـ تلاقي لكل ذوق حاجة تناسبه زي مثلاً «بوب آرت»، «الفن
الانطباعي» أو «الفن الحديث»، بعض من الأعمال الفنية معمولة من السنة اللي فاتت
وفيه أعمال فنية من سنة 1950.

كان في كام قطعة حلوين قوي في
المجموعة الفنية المعروضة. زي اللوحة الدائرية للفنان «عادل السيوي» وعنوانها «تحية
للرسامين  الكاجولHomage  to the Casual Painters
–» اللوحة بـ تصور
زاوية شخص حامل رجل داﭬينشي ﭬيتريـﭬيان وحاجة ثانية بـ تراقبه من الركن. لوحة ثانية
طولها 1.70 متر للممثلة المصرية ليلى مراد كانت رائعة. 

لوحات الرسوم المائية لـ «منير كنعان» كانت مشرقة أكثر. «حديقة
الحيوان – The Zoo»
بـ توضح صورة
رجال لابسين جلابية وبـ يبصوا على الأفيال. ولوحة «العمالة المصرية – Egyptian Labuor » بـ تصور
جمال عبد الناصر شايل طوب ورمل.

«هاني رشاد» شارك في المعرض بلوح من فن «البوب آرت». اللوحتين
كانوا مشرقين وفيه واحدة منهم الفيس بوك لعب دور واضح فيها، وفيه لوحة ثانية اسمها
«السريالية –  Surrealism » وهي جسم إنسان مع رأس كلب وحولها فراخ ونمل.
ألوان واضحة ومشرقة استخدمها في اللوحة فكان شكلها ممتع ومبهج.

واحدة من اللوح المفضلة لنا هي لوحة «كريم القريطي» بعنوان «الناس
والدستور III
– People and Constitution III». اللوحة
طولها 3 متر وهي كانت من أطول اللوحات في المعرض وفيها 3 جنود والدستور المصري ورائهم.
وكمان لازم تتفرج على شغل «أسماء النواوي» هي فنانة صغيرة ناجحة بـ تركز على رسم
السيدات الصغيرات. وأربع لوح من أعمالها معروضين في «جاليري المسار».

فيه مجموعة
متنوعة من النحت، ومعظمهم للفنان «محمود الدويلي» من أسوان، معظم أعماله لحيوانات
في شكل تجريدي، وفيه كمان أعمال نحت على شكل حيوانات مجردة لفنانين ثانين زي «محمود
رضوان» و«أحمد عسقلاني».

القطع الفنية
المعروضة في «جاليري المسار» أسعارها غالية شوية. أرخص قطعة بـ 25,000 والأسعار بـ
توصل لـ 100,000 جنيه، حتى لو مش هـ تقدر تشتري القطع الفنية المعروضة، زوروا
المعرض لأنه بـ يعرض فن مصري أصيل وعظيم.

نصيحة 360

وأنت في نفس المنطقة ممكن كمان تزور «جاليري الزمالك – Zamlek Art Gallery   » و«سفر خان – Safar Khan».

أحسن حاجة

«الناس والدستور» لـ «كريم القريطي»، و«ليلى مراد» لـ «عادل السويسي».

أسوأ حاجة

الأسعار. ممكن «المسار» يبدأ في بيع بوسترات للوحات.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح