The Definitive Guide to Living in the Capital , Cairo , Egypt

قلمي

قلمي: مكتبة جديدة في وسط البلد

  • ١١ش فهمي - وسط البلد - أمام سنترال باب اللوق - القاهرة
  • مراكز ثقافية
  • 0227930487
  • من 10 صباحًا إلي 10 م
تم التقييم بواسطة
Ahmed Abd El Gawad
قيم
قيم الآن
قلمي: مكتبة جديدة في وسط البلد

مش كل مكان ينفع نقول عليه مركز ثقافي، ومش كل مكان ينفع نقول عليه مكتبة، ومع كثرة المكتبات دلوقتي بنلاقي كتير منهم بيقدم خدمات مختلفة، وبيعمل مهرجانات كمان، علشان ينطلقوا ويجيبوا جمهور، لكن أكثر حاجة بقت تميز المكتبات والمراكز الثقافية دلوقتي هي ورش العمل والفقرات الفنية اللي بتقدمها.

زمان:

زمان كنا لما نسمع عن فقرة فنية أو حفلة أو ندوة في مكان ما نجري على طول لهناك، وده كان راجع لقلة الأماكن اللي بتقدم ده، ولما ظهرت ساقية الصاوي ومن بعدها الجريك كامبس، والمكتبات المنتشرة في أماكن كثيرة، عرفنا أن موضوع الثقافة بقى سهمه عالي في الحياة الثقافية المصرية، وده عمل حاجتين مهمين. الأولى هي انتشار فكرة الندوات والحفلات والمنافسة، والثانية كانت بالسلب، وهي ظهور ناس كتير وكتب لا ترقي للمستوى الثقافي العالي اللى كلنا نفسنا فيه.

المكتبة:

 مكتبة قلمي بقى مش جديدة على السوق، لإنها تابعة لمكتبة ودار نشر قلمي اللي في دبي، وصراحة لما سمعنا كده قولنا خلاص إحنا هنروح ونلاقي مكان محصلش ، لإنه شايل اسم مؤسسة موجودة في الإمارات، وروحنا بس أول ما رحنا اتصدمنا، وده راجع لسببين برضه، الأول إن المكان آه في وسط البلد لكنه مكان مش معروف لكل الناس، هو شارع متفرع من محمد محمود والمكتبة هناك مالهاش دعاية قوي، والسبب الثاني إن المكان مش كبير، مع أنها بتقدم خدمات ثقافية، لكن القاعة هناك بتكفي لـ 15 شخص بالكثير، وده صعب جدًا لما تيجي تعمل حفل توقيع مثلًا، والحاجة اللي مش عاجبانا كمان إن المكتبة لها رسم دخول 10 جنيه شامل مشروب، طيب السؤال هنا لو  أنا جاي حفل توقيع وعايز أشترى كتاب ب 20 جنيه، ولاقيت فيه رسم دخول للمكتبة، هدخل وماشتريش الكتاب ولا همشي وأبقى اشتري الكتاب من مكان ثاني ولا أعمل إيه؟ أعتقد ده سؤال مهم لازم أصحاب المكتبة يقفوا عليه ويعرفوه، من المهم بقى إننا نقول أن المكتبة معمولة حلو من جوه والكراسي بتاعتها فخمة ومتقسمة تقسيم جيد وكمان المكان بيعمل مجموعة كبيرة من الورش في الرسم والغناء والموسيقى مع تقديم عدد كبير من الندوات وحفلات التوقيع وده مهم للترويج لهم ولفكرة الثقافة بشكل عام.

نصيحة 360

زور صفحتهم على الفيسبوك.

أحسن حاجة

تعدد الأنشطة فى المكان.

أسوأ حاجة

أنك بتدفع مبلغ 10 جنيهات رسم دخول المكتبة وعليه مشروب

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح