The Definitive Guide to Living in the Capital , Cairo , Egypt

فن وثقافة
مكتبة ليلى

ليلى: مكتبة مميزة في وسط البلد

  • 17 شارع جواد حسني، من شارع قصر النيل
  • مراكز ثقافية
تم التقييم بواسطة
Ahmed Abd El Gawad
قيم
قيم الآن
ليلى: مكتبة مميزة في وسط البلد

عزيزي القارئ، أهلًا ومرحبًا بك، مع مكتبة جديدة على كايرو 360، النهارده هنتكلم باسم المكتبة، مش باسم حد تاني، عيش بخيالك معانا المكتبة هي اللي هتتكلم، ركز وغمض عنيك واسمع بقلبك، علشان روحك تشوف روح الثقافة.

أنا مكتبة ليلى اتأسست في القاهرة عام 1960 واتخصصت في توزيع الكتب والدوريات العربية لكل الناس والمجتمع وأي حد عايز يقرأ ويطبع ويبقى مثقف وكمان للأفراد والهيئات.

أنا كمكتبة بقول لكم إني بقبل جميع الطلبات اللي بتجي لي، مش بنسى حد، ولا بعطل حد، أنا على طول موجودة، أي حاجة بتوصلني على البريد الإلكتروني أو الفاكس، أو التليفون، على طول برد عليهم وببعت لهم طلبهم وأنا مبسوطة، وكمان بعمل توريد طلبات لكل حبايبي اللي عايزين يقرأوا في زمن قياسي.

وأحب أقول لكم كمان إنى كمكتبة عندي الإمكانية والمعرفة في البحث عن الكتب والدوريات القديمة والنادرة، واللي خلصت من السوق، ومش لاقيها، وتعبان وعمال تدور عليها وعلى أى ريحة ليها، طب تعالى وجرب واسألني، هتلاقي عندي كل جديد، بالذات الحاجات اللي مابقتش متوفرة.

وعلشان بقى لى كتير في السوق فأنا كمان عاملة خدمة جديدة بقى بس هتعجبك قوي، خدمة القارئ غير المتخصص، هنعرفك على كل جديد، وهنخليك تعرف إيه اللي الناس بتطلبه، وإيه الجديد والمشهور بين الناس.

وبقدم كمان خدمة المكتبات الجامعية والعامة وتزويدها بجميع إحتياجاتها من الكتب العربية وكمان بعمل الإشتراكات السنوية في الدوريات من أنحاء العالم العربي في كافة مجالات العلوم والمعارف.

وتقدر تستلم نشرة المكتبة الإلكترونية اللي باعملها، وبيقوم أصحابي بإصدارها وفيها أحدث الإصدارات العربية.

سيبك بقى من كل اللي فات أنا كمان باعمل أحداث ثقافية وحفلات توقيع ولقاءات مع كتاب من كل الأطياف، بس انت تعالى.

عزيزي القارئ لمزيد من المعلومات أو الإستفسارات، يرجي الإتصال بنا وسنقوم بالرد علي إستفساراتكم وأسئلتكم.

نصيحة 360

ممكن تشوفوا الكتب اللي تحتاجوها من موقعهم.

أحسن حاجة

المكان موقعه حلو وفي وسط البلد.

أسوأ حاجة

المكان مختفي شوية وسط المحلات.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح