The Definitive Guide to Living in the Capital , Cairo , Egypt

فن وثقافة
مكتبة القاهرة الكبرى العامة

مكتبة القاهرة الكبرى: مصر التى فى الزمالك

  • 15 شارع محمد مظهر
  • مراكز ثقافية
  • 9 صباحاً - 5 مساءً (عدا أيام الجمعة والعطلات الرسمية) -
تم التقييم بواسطة
Ahmed Abd El Gawad
قيم
قيم الآن
مكتبة القاهرة الكبرى: مصر التى فى الزمالك

مصر:

لما نيجى نتكلم عن واحدة من أكبر المكتبات فى مصر يبقى إحنا لازم نتكلم عن مكان عريق وكبير بـ يحمل تاريخ.. وناس داخلة وناس خارجة.. مش كده ولا إيه؟

عمومًا إحنا رحنا وزورنا مكتبة القاهرة الكبرى فى الزمالك، تحديدًا فى شارع مظهر وعرفنا أنها افتتحت سنة 1995 وصراحة هى من ناحية التصميم حاجة كده تحفة معمارية بـ تفكرنا بمصر من بره.. اللى يشوفها من الطيارة غير اللى يعيش فيها فى حارة.. المكان تحفة ليه بقى؟ لأنه فى الأصل كان قصر تاريخى للملكة سميحة كامل (بنت السلطان حسين كامل) اللى حكم مصر فى نهاية القرن التاسع عشر.. والقصر بـ يتكون من 3 طوابق وطابق تحت الأرض.. ومساحته الكلية حوالى (3465) متر مربع المبانى منها حوالى (535) متر مربع.

 

التى:

التى أداة وصل ما بين مصر وخاطرى أو الزمالك.. مصر التى تقدر تحط بعدها أى عدد من الكلمات الحلوة أو غيرها.. والمكتبة من الكلمات الحلوة اللى ممكن تتحط بعد “التى”.. المهم هما كتبوا فى التعريف بالمكان أن عدد الناس اللى بـ يزوروهم حوالى (600) مستفيد يوميًا مع أننا لما رحنا ما كانش فيه العدد ده لكن خلونا نقول أن (المكتبة التى) دى عندها مجموعة أنشطة كبيرة بالفعل يعنى فيه برنامج شهرى لمحو الأمية سواء الكتابية أو الأمية الثقافية… وبـ يحاولوا ينشروا ثقافة العلوم الإنسانية والاجتماعية والثقافة العلمية والتكنولوجية.. وبـ يعملوا ندوات فى تخصصات كثير. وورش عمل ومعارض ومؤتمرات ومحاضرات وحلقات بحثية.

 

فى الزمالك:

مصر ساعات بـ تبقى فى خاطرى وساعات برضه بـ تبقى فى الزمالك، عادى يعنى ومصر التى فى الزمالك وتحديدًا فى مكتبة مصر ماسكة حاجة مهمة جدًا وهى فكرة توثيق الإنتاج الفكرى المرتبط بالحضارة العربية وفى مجالات كثير، يعنى العلوم والآداب والفنون والعمارة والآثار والتاريخ وكمان فيه إمكانية البحث عن كتابات بلغات مختلفة عن العرب وعن تراثهم وحضاراتهم وفيها مجموعة من الوثائق والخرائط مش موجودة فى مكان ثانى.. وكمان بـ تهتم بحاجة فريدة من نوعها.. بـ تهتم بمصر وبتوثيق اللى حصل فيها وبالوثائق المصرية فى مختلف العصور والخرائط واللوحات والصور والكتابات والمقالات.

يعنى تقريبًا كده عاوزين يعملوا أول مركز حضارى ثقافى متخصص فى كل حاجة لها علاقة بالقاهرة وده عمل كبير ومهم، روحوا المكتبة هـ تلاقوا معلومات وكتب كثير وخدمات للمراجع والاستعارة الداخلية والتصوير والإنترنت والخرائط والميكروفيلم وكمان ورش للأطفال.

نصيحة 360

زور صفحتهم على الفيسبوك.

أحسن حاجة

تعدد الأنشطة فى المكان والاستمتاع بالقراءة، والخدمات الثقافية كثيرة ومتعددة.

أسوأ حاجة

المكان فى قلب الزمالك محتاج تمشى كثير علشان توصل له.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح