The Definitive Guide to Living in the Capital , Cairo , Egypt

حروف للثقافة والفنون

مكتبة حروف: مكان ثقافي ومكتبة مختلفة في وسط البلد

  • 5 شارع الشريفين - متفرع من صبري أبو علم
  • مراكز ثقافية
  • 01111231434
تم التقييم بواسطة
Ahmed Abd El Gawad
قيم
قيم الآن
مكتبة حروف: مكان ثقافي ومكتبة مختلفة في وسط البلد

المكان:

شاب 1: انزل معايا وسط البلد شوية

شاب 2: لا يا عم أنا زهقت من وسط البلد

شاب 1: تعالي وهـ تنبسط

شاب 2: ما إحنا كل مرة بـ ننزل بـ نقعد في نفس الأماكن

شاب 1: هـ أقعدك في مكان جديد

شاب 2: والنبى فين؟ مافيش خرم أبره في وسط البلد إلا ولفيناه

شاب 1: حروف

شاب 2: مش فاهم

شاب 1: مكتبة وقعدة حلوة

شاب 2: ثقافة وكده.. لا يا عم ماليش فيه..

شاب 1: لا يبقي أوصف لك

 

الوصف:

هنا بدأ الشاب يعدد في وصف المكان وحلاوته، وقد إيه هو مكان في موقع متميز في وسط البلد، لكن إحنا هـ نسيب الوصف ونحكي لكم على اللى شوفناه.

المكان عبارة عن شقة واسعة من شقق وسط البلد القديمة اللي هي كانت تنفع مسرح عادي لكن الناس عايشين فيها، ومُقسمة بقي مجموعة قاعات.

قاعة للفن التشكيلي وفيها هـ يتعمل معرض للوحات، وبالفعل عملوا معرض واحد وفي انتظار تجهيز جدول باقي المعارض، وقاعة ثانية فيها جو شبه "الكافيه" تقدر تقعد فيها وتطلب المشروبات اللي أنت عاوزها، وأسعارهم على فكرة لطيفة جدًا، وقاعة ثالثة بـ يتعمل فيها اجتماعات وتنفع جدًا يتعمل فيها نقاشات مصغرة أو جلسات عمل على الهادئ، وقاعة رابعة هي ستوديو للشباب لو عاوز يعمل بروفات.

وفي الاستقبال هـ تلاقي المكان مليان كتب من اللي قلبك يحبها كتب في مجالات مختلفة، لكنها مش كثير قوي لدرجة أنها تعمل مكتبة ضخمة، ولما سألنا أصحاب المكان على الكتب عرفنا أن فيه "كذا شوال" كتب في المخزن بس مستنيين يكملوا تجهيز المكان.

 

الفكرة:

الفكرة بقى أنهم مجموعة شباب بـ يحبوا الثقافة وعاوزين يعملوا حاجة مختلفة، عاوزين يعملوا مكان فيه كل حاجة بـ تعطي كورسات في الموسيقى والرسم والكتابة، وكمان يبقى فيه قاعات فن تشكيلي ومعارض، وكمان يعملوا مسرح صغير (لسه بـ يتجهز) علشان العروض المسرحية والحفلات متوسطة الجمهور، وكمان قاعة للبروفات علشان يساعدوا الشباب أنهم يلاقوا مكان نظيف في وسط البلد يقرأوا ويشتروا كتب بأسعار معقولة ويعملوا بروفات ويتمرنوا ويقعدوا يتناقشوا ويشربوا مشروبات بأسعار متوسطة ومقبولة جدًا.

اللى عاجبنا كمان هي الروح اللى هناك وقد إيه هما بـ يحبوا بعض وبـ يحبوا شغلهم وعاوزين يعملوا مكان جديد ومختلف، لأ وكمان عاوزين يعملوا فرع ثاني، صراحة لازم نرفع لهم القبعة.

نصيحة 360

زوروا صفحتهم على الفيسبوك وهـ تنبسطوا.

أحسن حاجة

المكان جديد وفيه روح حلوة.

أسوأ حاجة

مش مشهور ولسه محتاج تجهيزات.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح