The Definitive Guide to Living in the Capital , Cairo , Egypt

فن وثقافة
ناستو ساكسفون سنتر

ناستو: مكان لتعليم الساكسفون في القاهرة

  • القاهرة - 91 شارع مصر والسودان -حدائق القبة
  • مراكز ثقافية
  • من السبت إلى الخميس -
تم التقييم بواسطة
Ahmed Abd El Gawad
قيم
قيم الآن
ناستو: مكان لتعليم الساكسفون في القاهرة

أكيد بتحب آلة الساكس، ولما ودنك بتسمعها بتحس بشعور عجيب كده جامع بين المتعة والهدوء والشجن اللي بتعمله، جربت تتعلم ساكس قبل كده؟ تعالوا في رحلة النهارده مع الساكس نفهمه ونشوف اللي بيعمله ويتعلمه.

كتير بنشوف أماكن بتتعامل مع المزيكا بأنواعها، وكتير بنشوف أماكن ثقافية بتعلم وتدى كورسات في حاجات كتير من ضمنها المزيكا، لكن أغلبهم بيركزوا على العود والغنا والبيانو وممكن الناي، النهارده بقى معانا عاشق الساكس الصغير.. المكان في حدائق القبة، مش مكان واسع لكن متأسس كويس، وفيه مساحات فاضية، مميز جدًا علشان هو بيتعامل مع حاجة واحدة بس، الساكس.

العشق:

عاشق الساكس في حكايتنا النهارده هو دكتور  نادر أرنست، كان حلمه من زمان يعمل حاجة متخصصة في فن العزف على الساكس وبس، وكانت تجربة محفوفة بالمخاطر، لأنه ممكن يفشل، لما تعمل مركز مهتم بالمزيكا حاجة ولما تعمل مركز مهتم بالساكس حاجة تانية خالص.

"ناستو ساكسفون سنتر" هو المقر الرسمي لدكتور نادر أرنست، بيقدم السنتر كورسات متخصصه للعزف علي آلة الساكسفون بجميع أنواعه، وكمان بيقدم السنتر جميع الخدمات المتعلقة بآلة الساكسفون.

المكان:

هناك هتلاقي كل حاجة متعلقة بالآلة دي، بيع وصيانة وشراء وتوفير جميع الاكسسوارات المتعلقه بالساكسفون.

هم متخصصون في مساعدة كل شخص مهتم بالساكسفون في تحقيق حلمه الخاص، أنه يكون عازف شاطر على الآلة ويفهم عالمها وسحرها، كمان بيقدموا خدمة جديدة من نوعها أنهم  بيوفروا عازفين للحفلات والمناسبات المختلفة، يعني لو عندك حفلة وعايز تعمل حاجة مختلفة، ممكن تكلمهم وهما هيوفرولك ده بسهولة.

وإيه كمان:

من وقت للتاني بيعملوا سيمينار للساكسفون وبيبقى مجاني، تقدر تحجز فيه وتجرب الآلة، وكمان د/ نادر بيجاوب على كل أسئلتك حوالين التعليم وتقدر تتقنه في قد إيه، وإيه الاختلاف بتاع الساكس، وبيتكلف كام وحاجات زي كده.

حالة مختلفة وموضوع شيق، وحد جرب في موضوع متخصص ونجح إن يكون ليه طلاب بيحبوا الساكس وبيتعلموه ويشاركوا في حفلات كمان.

نصيحة 360

زور صفحتهم على الفيس بوك وابعت لهم رسالة بيردوا بسرعة https://www.facebook.com/nastosaxo/

أحسن حاجة

التخصص في عزف الساكس

أسوأ حاجة

المكان بعيد شوية عن وسط البلد

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح