The Definitive Guide to Living in the Capital , Cairo , Egypt

إل كافيه دي روما

إل كافيه دي روما: مذاق إيطالي جديد في مول داون تاون

تم التقييم بواسطة
Anne de Groot
قيم
قيم الآن
إل كافيه دي روما: مذاق إيطالي جديد في مول داون تاون

لو
كنت سافرت روما قبل كده يبقى أكيد شربت هناك أحسن قهوة ممكن تشربها في حياتك. الإيطاليين
بـ يعرفوا إزاي يعملوا قهوة، وبعد ما بـ تروح بـ تحس أن القهوة ما ينفعش تبقى غير
كده. وللأسف الأماكن اللي بـ تعمل قهوة بالمستوى ده في كايرو لسه قليلة، لكن حظنا
كان كويس لما وقعنا في «إل كافيه دي روما» اللي فتح في مارس اللي فات في التجمع
الخامس في مول داون تاون اللي اعتبرناه من أحسن الأماكن اللي بـ تعمل قهوة في
القاهرة.

طبعًا
المنظر من هناك مش خرافي لأنه لا يقارن بأنك تكون قاعد أمام الكولسيوم في روما،
لكن ده ما يمنعش أن الكافيه فيه تراس هائل وقعدة حلوة. الكراسي والكنبات مريحة،
والديكور من الداخل باللون البرتقالي الفاتح وجو المكان يوحي بالتفاؤل والاسترخاء.
بـ يتم إدارة الكافيه من خلال كوفي هاوس إيطالي اسمه “لافاتزو” ونظرة
واحدة على المنيو هـ تعرف أن المكان ده مش بـ يهزر في موضوع القهوة. بعد ما تفرجنا
على المنيو شوية طلبنا الدوبل أسبريسو الحجم العادي (14.5 جنيه) والـCioccolata Italiana (26.50 جنيه) وكوكتيل
الكيوي والتفاح (33.50 جنيه).

طعم
الاسبريسو كان كما يجب، سميك بطبقة كريمة غنية على الوجه وجرعة قوية من البن
ومرارة لذيذة بعد كل رشفة. ومع ذلك الحاجة المميزة أكثر كانت الشوكولاتة الإيطالية
الساخنة مصنوعة على طريقة مدينة تورينو الإيطالية من الشوكولاتة الخالصة وكان لها
قوام سميك ومذاق خاص جدًا، الحقيقة كانت أحسن شوكولاتة ساخنة شربناها في مصر ويمكن
أحسن من بلاد كثير ثانية كمان، مشكلته أن الكمية كبيرة ودسم جدًا وتقريبًا مستحيل
تخلصه. عصير الكيوي والتفاح كان فريش وطعم الفاكهة طازجة ولذيذة وشكل الكأس كان
يفتح النفس بقطع الكيوي اللي مزيناه من بره.    

سكان
القاهرة الجديدة محظوظين أنهم عندهم كافيه زي «إل كافيه دي روما»، ولباقي سكان
كايرو بـ نقول لكم المكان بجد يستحق الرحلة الطويلة للتجمع الخامس. طبعًا الجودة
والمذاق الرائع مش ببلاش لأننا دفعنا 92 جنيه للـ 3 مشروبات بس فعلًا كل حاجة
تستاهل واستمتعنا بكل جنيه دفعناه! ومستنيين فروع ثانية تفتح في كل حتة في مصر.

نصيحة 360

فيه منيو للمأكولات الخفيفة والسلاطات والساندويتشات والمخبوزات زي البروشيتا والفوكاشيا والرابس، ولو بـ تحب الحلويات جرب الآيس كريم هناك.

أحسن حاجة

تقريبًا أحسن شوكولاتة ساخنة في العالم.

أسوأ حاجة

أن مافيش فروع ثانية في القاهرة كلها!

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح