The Definitive Guide to Living in the Capital , Cairo , Egypt

كافيهات
كافيه السرايا

السرايا.. قهوة بلدي في إمبابة بديكور مبهج وخدمة لطيفة

البرنس السرايا امبابة شعبي قهوة كافيه
تم التقييم بواسطة
Mohamed Talaat
قيم
قيم الآن
السرايا.. قهوة بلدي في إمبابة بديكور مبهج وخدمة لطيفة

ومين فينا مابيحبش القعدة على القهوة، ومافيش أحلى من لمة الصحبة عليها، ويا سلام لو الشلة كلها تكون موجودة في مكان واحد مع الاحتفاظ بالخصوصية بتاعتكم، وخدمة مميزة وفي منطقة شعبية، وعلشان كده لفت انتباهنا في يوم واحنا راجعين من عند كبده البرنس، قهوة اسمها “السرايا”، في حي إمبابة، ديكورها مبهج وخدمتها كويسة، وطبعًا كان لازم ندخل نشرب حاجة تهضم معانا الأكل اللي كبس على نفسنا، وهننقلكم تجربتنا فيها.

القهوة بلدي وفي منطقة إمبابة الشعبية، وفيها كراسي بألوان مبهجة، وحوائط ملونة عليها كتابات مختلفة وأنت وحظك بقى في أول رسالة تطلع لك، وفيه قعدة في الهواء الطلق، وفيه قعدة داخلية في التكييف، وإحنا قررنا نقعد بره في الهواء، خاصة ان الجو كان هادئ وكمان بالليل، فالقعدة كانت خرافة.

اول ما دخلنا استقبلنا ويتر المكان “القهوجي”، وهو بيضحك في وشنا وبيرحب بينا، وقعدنا، وطلبنا عصير مانجو بـ25 جنيه، وكانت حلوة وتقيلة، ومن الواضح انها معمولة طازة، وكمان طلبنا عصير ليمون بنعناع بـ25 جنيه، وكان مظبوط في التقل والسكر والنعناع، ورغم إن السعر غالي بالنسبة للمنطقة واللي حواليها، بس المكان نفسيًا يستاهل أنك تقعد تشرب مشروب وتقعد شوية تغير جو.

تجربتنا في القهوة كانت إيجابية، وبنتمنى نوشف كل القهاوي الشعبية في القاهرة بنفس المستوى ده.

نصيحة 360

القهوة غالية شوية بالنسبة لأسعار القهاوي الشعبية في إمبابة.. بلاش تاخد راحتك في الطلبات.

أحسن حاجة

الديكورات مبهجة جدًا

أسوأ حاجة

الشيشة مش أحسن حاجة.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح