The Definitive Guide to Living in the Capital , Cairo , Egypt

كافيهات
المدينة المنورة

المدينة المنورة: عصير وحلويات من اللي قلبك يحبها في المعادي

تم التقييم بواسطة
Daryl Kane
قيم
قيم الآن
المدينة المنورة: عصير وحلويات من اللي قلبك يحبها في المعادي

لو عندك
احساس انك على طول عايز حاجة حلوة، يـ بقى كويس جدا انك عايش في القاهرة، المدينة
مليانة بـ محلات حلويات من أول المحلات الغالية اللي بـ تبيع حلويات راقية وفخمة
لأكشاك وعربيات في الشارع بـ تقدم حلويات رخيصة جداً٬ فتقدر بـ 2 جنيه من اى حتة
في القاهرة بأحيائها الراقية والمتواضعة على حد سواء٬ تاكل حاجة حلوة.

«المدينة
المنورة» محل معروف جداً في «المعادي» في شارع «اللاسلكي» من اكتر الشوارع زحمة
واشهرها في المعادي، هـ تلاقيه جنب مطعم مؤمن وجاد.

المحل الصغير
بـ يقدم كل انواع العصير، آيس كريم وحلويات كتيرة قوي زي رز بلبن، بليلة، كسكسي
وكمان ام علي، وفطاير. المحل كمان بـ يبيع لبن، سمنة، جبنة، زبادي وزبدة.

المحل في
الدور الأرضي ومعروف عنه انه بـ يقدم احلى وارخص الحلويات ودايما فريش وعشان كده
بـ يكون زحمة بالليل. «المدينة المنورة» المكان اللي تأخد في صحابك وتشربوا عصير
وتأكلوا أيس كريم في أيام الحر في الصيف، ولو في الشتا يبقى مكان هايل تاكل فيه
كسكسي أو ﭼاميكا كريب اللي طعمه رائع جداً.

أسعار «المدينة
المنورة» رخيصة جداً، «ﭼاميكا كريب» بالشوكولاتة ومع قطع موز بـ6.75 جنيه وطِعم قوي
وممكن تحس انك مش هـ تاكل كريب تاني من اي حتة إلا هنا. الآيس كريم بـ3 جنيه وام
علي بـ4.25 جنيه والكسكسي بالكريمة بـ7.5 جنيه، وكمان في خدمة توصيل الطلابات
للمنازل بـ4 جنيه زيادة.

رغم انه بـ يأخد
وقت عشان طلبك يجهز في الأيام الزحمة بس العاملين في «المدينة المنورة» لطاف ، ولو
روحت في يوم مش زحمة ممكن تلاقي واحد من الويترز واقفين وبـ ياخذوا الطلابات من
العربية ويجبولك الطلب لغاية عندك في العربية من غير ماتنزل منها.

روح «المدينة
المنورة» لو عايز تأكل حلويات رائعة وفريش.

نصيحة 360

«المدينة المنورة» بـ يفتح من 8 صباحاً   لـ 2 بعد نصف الليل لكن بـ يقفل في وقت الصلاة، فممكن تستنى 15 دقيقة لغاية لما القائمين على المكان يرجعوا من الصلاة.

أحسن حاجة

«ﭼاميكا كريب» بالشوكولاتة وقطع الموز حلو قوي، فريش وسخن.

أسوأ حاجة

«المدينة المنورة» على طول زحمة والطلب بتاعك بـ يأخذ وقت لغاية ما يجهز، وانك تركن في شارع اللاسلكي في المعادي حاجة مستحيلة.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح