The Definitive Guide to Living in the Capital , Cairo , Egypt

بامبكين

بامبكين: تارت وحلويات لذيذة في داندي مول

  • الكيلو 28 - داندي مول - الدور الأول - منطقة الطعام
  • مخبوزات وحلويات
  • 01000758895
تم التقييم بواسطة
Haisam Awad
قيم
قيم الآن
بامبكين: تارت وحلويات لذيذة في داندي مول

البداية
كانت متواضعة من حوالي 11 سنة في الإسكندرية، «بامبكين – Pumpkin» اللي بـ يقدم حلويات أمريكية وأوربية بدأ يتوسع ويفتح فروع في
أماكن كثير في القاهرة والإسكندرية. فرع داندي مول ممكن نقول عليه كشك مش محل، لكن
ده مش معناه أن فيه أي اختيارات ناقصة أو مش موجودة. كان فيه على الأقل 10 أنواع
من التارت والكيك وقت زيارتنا.

تارت
بامبكين (15 جنيه) بالقرع العسلي مغطى بكريمة المارينج السويسري وطبقة من الزبيب
والقرفة، وفيه تارت بالشوكولاتة. كريمة المارينج كانت مظبوطة لا خفيفة ولا ثقيلة
وسكرها كويس، والخليط الثاني اللي تحت كان له نكهة مميزة مش مجرد حشو مسكر وخلاص.

تارت
بطعم الطوفي (14 جنيه) كان غير الأولاني خالص والسكر فيه كثير قوي وطبقة كراميل
الطوفي كانت طاغية على الطعم، طعمه حلو وشكله حلو كمان باللون البني المميز
للكراميل ودوامات الكريمة اللي عليه، وهو من الحاجات اللي ممكن تُقدم ساخنة حسب
رغبتك.

تارت
ثاني ممكن يُقدم ساخن هو تارت البراوني بالكراميل (14 جنيه)، طبقة سميكة  من البراوني وعليها خط رفيع كراميل، ما عجبناش
قوي طعم التارت وهو بارد زي ما جربناه ونفتكر أنه هـ يبقى أحلى وهو ساخن، ويا سلام
لو معاه كوب لبن! لكن والتارت بارد كان جاف جدًا وما قدرناش نوصل للطبقة التحتية
الرقيقة من كراميل الطوفي.

من غير
ما نقصد خلينا الحلو للآخر، أو بمعنى أصح الأحلى للآخر، وده كان تارت كريمة القرفة
(15 جنيه). طبقة من الشوكولاتة البيضاء الناعمة المغطاة بكراميل الطوفي وعليهم
خطوط متقاطعة من الكريمة ورشات من بودرة القرفة. حسينا بالمذاقات المتنوعة لكل
إضافة من الإضافات لأن التارت نفسه ما كانش مسكر زيادة وكان خفيف والكريمة كمان
كان طعمها فريش.

كل
قطعة بـ تطلبها بـ تتقدم بشياكة في علبة مثلثة صغيرة وأغلى سعر قطعة هو 15 جنيه.
عدي من جنب الكشك اللي في داندي مول ونتحداك أنك هـ تدخل تجرب أي حاجة من «بامبكين»
لأن إحنا فعلًا بـ نأكل بعنينا.

نصيحة 360

له فروع في المعادي وسيتي ستارز والزمالك.

أحسن حاجة

تشكيلة كبيرة من التارت والكيك والتورتات ممكن تشتريها بالقطعة أو بالواحدة الكاملة.

أسوأ حاجة

مافيش مكان للجلوس، لو مش بـ تعرف تأكل وأنت ماشي هـ تضطر تدخل ساحة الطعام الكئيبة اللي داخل داندي مول.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح