The Definitive Guide to Living in the Capital , Cairo , Egypt

بامبو كافيه

بامبو كافيه: شيشة ومشاهدة مباريات في كافيه في المقطم

  • شارع التسعين، أمام النافورة
  • شيشة
  • 0225079991
تم التقييم بواسطة
Sam Welbeck
قيم
قيم الآن
بامبو كافيه: شيشة ومشاهدة مباريات في كافيه في المقطم

المقطم مش من الأماكن اللي ممكن تيجي في بالك وانت بتفكر
في خروجة، وزي كل أماكن الشيشة والكافيهات اللي موجودة في نفس المنطقة، «بامبو
كافيه – Bambo Cafe» ماكانش مليان ناس قوي وقت ما زرناه.

بس
في مناسبات معينة زي مثلاً ماتش كورة هـ تلاقي فيه شاشة عرض كبيرة عرضها 2.5 متر
عشان تتفرج على الماتش، وممكن في نفس الوقت تشوف المنيو وهـ تلاقي فيه الآيس كريم
وكمان أنواع كوكتيلات وصودا مختلفة، وطبعاً هـ تلاقي نكهات شيشة غنية وكتيرة.

الكافيه
للشيشة بس، يعني مش هـ تلاقيه بـ يقدم أي مشروبات كحولية أو أكل أو ساندويتشات.
المكان معمول بشكل ذكي ومساحته كويسة، بس تصميمه عادي. هـ تلاقي هناك إنترنت لاسلكي
(Wi Fi) يكفي كل الجالسين داخل المكان، وممكن كمان يوصل لمكان برة
الكافيه يكفي 20 كرسي.

الويترز
بـ ييجوا على طول أول ما توصل الكافيه، بس لازم تسألهم عن المنيو بتاعهم عشان هما
بـ يبقوا متوقعين أنك بـ تيجي على طول وعارف هما بـ يقدموا إيه.

وعشان
الآيس كريم كان طعمه قديم شوية، إحنا بـ نقترح عليكم أنكم تجربوا العصائر عشان بـ
تبقى معمولة فريش وطعمها لذيذ قوي. عصير البرتقال والليمون طعمهم حلو قوي، بس هما
في المرتبة الثانية بعد الموز باللبن. عصير الموز باللبن بـ ييجي فريش وساقع وبـ
تلاقي فيه قطع موز في العصير. أسعار العصائر الساقعة ما بين 7 جنيه لـ 12 جنيه.

المشروبات الساخنة زي الشاي، القهوة والشيكولاتة
الساخنة عاديين زي أي كافيه تاني، بس فيه هناك مشروب شيكولاتة النوتيللا لازم
تجربوه.

الشيشة
بـ تيجي خفيفة، بس لو انت عايزها قوية شوية لازم تطلب من الأول. النكهات اللي
موجودة تفاح، عنب، توت وبطيخ أو ممكن تعمل نكهة كوكتيل بس هـ تلاقي طعمها في الآخر
زي البرتقال. الويترز كلهم مركزين معاك، ولو نسيوك ممكن بس تشاور لهم وهما هـ ييجوا
بسرعة ومعاهم الولعة.

هـ
تلاقي «بامبو» في شارع التسعين، مكانه واضح أمام النافورة القديمة وعلى الناحية
التانية المواجهة له سوبر ماركت «مترو» و «إكستشينج»، وعلى قد ما المكان واضح، لا
يعتبر مميز أو شيك قوي.

نصيحة 360

أطلب ولعة زيادة من الأول للشيشة بتاعتك.

أحسن حاجة

فيه شاشة كبيرة عشان تتفرج على الماتش وانت بـ تشيش.

أسوأ حاجة

مفيش هناك أي وجبات أو أكل.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح