The Definitive Guide to Living in the Capital , Cairo , Egypt

كافيهات
بريوش دوريه – Brioche Doree

بيريوش دوريه: خيبة أمل كبيرة في واحد من فروع سلسلة المطاعم الفرنسية

  • بداخل سيتي سنتر المعادي
تم التقييم بواسطة
Nagla Ashraf
قيم
قيم الآن
بيريوش دوريه: خيبة أمل كبيرة في واحد من فروع سلسلة المطاعم الفرنسية

سلسلة مطاعم Brioch doree من الأماكن المشهورة بجودة المخبوزات بتاعتها وطعمها الوهمي، لكن للأسف تجربتنا في فرع سيتي سنترالمعادي كانت مخيبة للأمال جدًا، التفاصيل في السطور الجاية.

المكان مش كبير ومش صغير عدد الترابيزات حوالي 10، والديورات بسيطة من ألوان لوجو المكان، وشكل المخبوزات في الثلاجة بره كان يجنن. المنيو كان متنوع ما بين سلاطات وأطباق مكرونة وبيتزا وساندويتشات.

طلبنا سلاطة “salade crevettes” بـ  55 جنيه ودي عبارة عن جمبري ومانجو وخس وصوص هوني ماسترد، الجمبري كان مستوي كويس، لكن المانجو كانت مجمدة ومش طازة، كمان الصوص كان بدون أي طعم.

كمان طلبنا “Quiche saumon” بـ 55 جنيه  وده عبارة عن عجينة بالبيض والسالمون وكان حجمه صغير جدًا والمعروف طبعًا إن أهم حاجة في تسويته إن درجة تسوية السالمون تكون مظبوطة ومش زيادة عن اللزوم، لكن اللي جالنا للأسف كان وشه متحمص والسالمون كان بينفتت من كتر ما هو مستوي، بس لما قولنا للجرسون جاب لنا واحد غيره مظبوط، كمان السلاطة اللي معاه كانت عبارة عن خس بالصوص مافهمناش الحقيقة هم ليه مسمينها سلاطة وهي عبارة عن خس بس.

نختم بالحلو كوكيز  بالآيس كريم بـ 48 جنيه وكان خيبة أمل أخيرة لأن العجينة كانت رفيعة جدًا واتحطت في الفرن فقرمشت زيادة فبرغم إن طعمها حلو لأنها جاية من بره مصر من فرع السلسلة الرئيسي إلا إن طعمها بعد ما اتحطت في الفرن كان صعب جدًا.

طلبنا موخيتو بالتفاح الأخضر كان بـ 43 جنيه، وكان طعمه مظبوط برغم الثلج الزيادة عن اللزوم، لكن لما طلبنا le oriental بـ 43 جنيه، جاء لنا بشكل مختلف عن الصورة ومكونات مختلفة لأنه المفروض مكون من عصير برتقال وأناناس وتوت بس غيروه ولكن برضه الطعم كان غريب.

يمكن حظنا معاهم كان سيء بس كل حاجة أخترناها كانت لازم تطلع معيوبة ومش مظبوطة نتمنى أنهم يظبطوا معايرهم أكثر من كده خاصة إن كل حاجة بتجي لهم جاهزة من الفرع الرئيسي وهم عليهم التسوية والتقديم بس.

نصيحة 360

خليكم في المخبوزات أضمن

أحسن حاجة

السلاطة

أسوأ حاجة

تسوية السالمون والكوكيز

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح