The Definitive Guide to Living in the Capital , Cairo , Egypt

كافيهات
جاردز باجلز – Jared’s Bagels

جاريدز بيجل – jared’s bagel : أحلى فطار سريع في المعادي

jared’s bagel مطاعم المعادي مقال نقدي
  • 82 شارع 9
  • مخبوزات وحلويات
  • 6:30 صباحاً - 10 مساءً -
تم التقييم بواسطة
Nagla Ashraf
قيم
قيم الآن
جاريدز بيجل – jared’s bagel : أحلى فطار سريع في المعادي

من أكتر الحاجات اللي ممكن تخليك تبدأ يومك بسعادة ونشاط إنك تفطر فطار حلو يعدل لك مزاجك ويساعدك تكمل يومك.

وجاريدز بيجل – jared’s bagel من الأماكن المميزة اللي بتقدم تجربة فطار فريدة بأنواع البيجل والفطار اللي بيقدمها. واللي ما يعرفش البيجل فهو عبارة عن عيش مخبوز شبه الدوناتس على شكل دائرة مفتوحة من النص.

المكان صغير في دجلة المعادي ممكن تفطر فيه أو تطلب طلبك وتستلمه أو تطلب دليفري، وفي حالتنا إحنا رحنا طلبنا وخدنا الطلب علشان نبدأ يوم شغل بمزاج.

المنيو مليان أنواع بيجل مختلفة تقدر تعمله ساندوتش وتحشيه بأي حاجة على مزاجك سواء بيض أو جبنة أو مربى أو أي حاجة تختارها من المنيو، وفيه أنواع فطار تانية زي البيض ومعاه بطاطس وتوست برضه ممكن تطلبه، غير قسم المخبوزات اللي مليانة حاجات مغرية، وقسم القهوة، والأسعار مش غالية ودي أكتر حاجة شجعتنا أنه مناسب تطلبه لأكثر من مرة في الشهر. كمان الخدمة ممتازة، أول ما وصلنا خدنا وقت لحد ما طلبنا ولما قلنا إننا مستعجلين بالظبط الطلب خد 10 دقائق ودي تعتبر معجزة.

طلبنا ساندوتش بيجل بالبيض والجبنة الشيدر بـ 33 جنيه، وميني باجل بالتوت بـ 23 جنيه، و لاتيه بـ 27 جنيه.

ساندوتش البيجل بالبيض والجبنة كان أجمل حاجة، طعم البيجل كان طازة جدَا خاصة أنه مخبوز مع الطماطم المجففة، والبيض كان مستوي كويس بس طعم الجبنة هو كان أفضل شيء.

أما الميني بيجل فهم عبارة عن 6 قطع بيجل صغيرة مخبوزة بقطع توت، طعمها حلو لكن كنا نتمنى إن يكون عليها إضافة سيرم توت كمان من فوق علشان نحس بالطعم. أما القهوة فكانت ممتازة حبوب القهوة أسباني وبجودة عالية جدًا لا تقاوم.

خلصت زيارتنا في جاريدز بيجل بس الأكيد إنها مش هتكون الأخيرة.

نصيحة 360

جربوا كل أنواع الفطار

أحسن حاجة

ساندوتش البيجل بالبيض

أسوأ حاجة

تقريبًا مافيش.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح