The Definitive Guide to Living in the Capital , Cairo , Egypt

جلوريا جينز كوفي – Gloria Jean’s Coffees

جلوريا جينز كوفي: فرع جديد لسلسلة كبيرة فى المهندسين

تم التقييم بواسطة
Angie El Batrawy
قيم
قيم الآن
جلوريا جينز كوفي: فرع جديد لسلسلة كبيرة فى المهندسين
الافتتاح الرسمي كان الخميس اللى فات، كافيه “جلوريا جينز كوفي – Gloria Jean’s Coffees” اللى له سلسلة من الفروع فى مصر والعالم، للتذكرة “جلوريا جينز” من أولى سلاسل القهوة الأسترالية، عندهم أكثر من 920 محل فى 37 دولة حول العالم، وسميت الشركة اللي عاملة الكافيه باسم مؤسسِتها جلوريا جين سنة 1979 فى ولاية شيكاغو الأمريكية.

ولأننا عارفين جودة المكان ده لأننا رحنا قبل كده فرع مصر الجديدة، ورحنا كمان فرع مول العرب ما ترددناش نروح نحضر الافتتاح ونشوف الفرع الجديد اللى عاملين له دعايا جامدة على صفحتهم على الفيسبوك.
للأسف يوم الافتتاح ما كانش فيه منيو مطبوعة، كان لازم تقوم تشوف الأصناف من البورد الكبيرة على الحائط، وكمان كان فيه أصناف غير متوفرة، بس حظنا كان حلة أن كان معانا جرسون شاطر ساعدنا فى زيارتنا بأسلوب مهذب وجميل.

المكان مكون من دورين، البالونات والديكورات كلها كانت بـ تتسم بفرحة الافتتاح الجديد، إلى جانب البورد رحنا اتفرجنا على الساندويتشات والمخبوزات والكوكيز اللى كانت معروضة على البار فى الدور اللى فوق اللى قعدنا فيه وممكن تتفرج على شارع مصدق من زاوية حلوة، اختارنا من اللى متوفر باجيت سابمارين Supmarine (26 جنيه) المكون من تركي وخس ومايونيز، وسلاطة يونانية Greek Salad (28 جنيه) اللى كانوا فريش وحلوين جدًا، السلاطة كانت تقليدية شوية عن الباجيت اللى كانت تحفة وما كناش عاوزينها تخلص لأنها كمان كانت خفيفة، لكن الوحش أن نزل معانا 3 حبات بطاطس شيبسي بالعدد حسينا أنهم ما يكملوش كيس شيبسي كامل مع كمان حبة مخلل.

فى المشروبات جربنا Original iced chocolate (حجم صغير بـ 22 جنيه) كان قوامه لطيف واستمتعنا به، و Crème Brule latte (حجم صغير بـ 19 جنيه) وكان فيه كراميل طعمه واضح قوي وهما اللي رشحوه لنا وكان هائل، ومعاها من الحلويات تشيز كيك بالكراميل (26 جنيه)، التشيز كيك ما ذقناش فى طعامتها وخفتها زي كده، من المعروف دائمًا أن التشيز كيك بعضنا بـ يبعد عنها علشان الدسم بتاع الزبدة مع الجبنة لكن إحنا بـ نضمن ونرشح لكم التشيز كيك دي، هـ تتخانقوا عليها!
يوم الافتتاح كانوا عاملين خصم 15% على قيمة الفاتورة اللى بـ يضاف عليها خدمة وضريبة، وكمان كان فيه رسم كاريكاتير مجاني للحضور ودي كانت حاجة جميلة منهم جدًا خلتنا نقضي وقت ممتع، ولأننا ما كانش أمامنا المنيو تقدروا تعرفوا معلومات أكثر عن اللى بـ يقدموه على موقعهم الرسمي

“جلوريا جينز كوفيز” عندهم أكواب معدنية حافظة للحرارة عليها لوجو واسم الكافيه لو حابب تجيبها، المكان حلو جدًا تمنياتنا لهم بالنجاح والتميز خاصة أن شارع مصدق فيه منافسين أقوياء كثير زي “كوستا كافيه”.

نصيحة 360

المكان فيه إنترنت Wi-Fi.

أحسن حاجة

الكراميل تشيز كيك، تحفة.

أسوأ حاجة

فيه أصناف ما كانتش موجودة وقت زيارتنا، وفى انتظار المنيو.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح