The Definitive Guide to Living in the Capital , Cairo , Egypt

كافيهات
جنة فواكة الزمالك

جنة فواكة الزمالك: عصير فواكة طازج

  • 163 ش 26 يوليو - الزمالك
  • عصائر
  • 24 hours -
تم التقييم بواسطة
Alia El Askalany
قيم
قيم الآن
جنة فواكة الزمالك: عصير فواكة طازج

عمرك في يوم
صحيت من النوم وريقك هفك على كوباية عصير طازج بدل عصير العلب بتاع كل يوم لكن كنت
شايل هم عمايله؟ عامة ده كان زمان.

لو أنت في
الزمالك، جرب «جنة فواكه الزمالك»، محل عصير صغير في شارع 26 يوليو بـ يقدم عصائر فاكهة
مضروبة وطازجة. زيه زي أي محل عصير فواكة «جنة الفواكه» عنده كاونتر عليه خلاطات،
ديپ فريزر علشان يخزن فيه العصير، وفواكه متعلقة في السقف في شبكات، وكمان فواكة مُرتبة
عشوائي على الكاونتر.

المحل بـ
يقدم عصائر فواكة الموسم، وساعات كمان عصائر غير فواكه الموسم، بما فيهم عصير قصب
السكر التقليدي، المانجو، الفراولة، الليمون، وكمان الجوافة، الرمان، والجريپ
فروت. كمان عنده عصير مميز وهو “فخفخينا الجزر”، وكمان لو أنت عاوز
كوكتيل معين على مزاجك بـ يعملوه لك.

عصير قصب
السكر هو أغلى حاجة هناك، الكوباية بـ 15 جنيه، أمّا عصير البرتقال والفراولة بـ 3
جنيه، المانجو والجوافة، والرمان، والجريپ فروت بـ 4 جنيه. لو عايز كمية أكبر
يوصلوها لك لغاية البيت، عندهم زجاجات صغيرة تعمل حوالي 3 كوبايات، وزجاجات كبيرة
تعمل حوالي 7 كوبايات، واحسبها انت بقى. طبعًا لو طلبت زجاجة هـ يبقى اختيار عملي
أكثر وهـ يكلفك يا دوب كام جنيه زيادة، لكن العصير النظيف والطازج اللي بـ يعمله «جنة
الفواكة» يستاهل.

زي أغلب
المصريين «جنة الفواكه» بـ يتوصى قوي بكمية السكر اللي بـ يحطها على العصير، فلو أنت
مش بـ تحب السكر المتوصى به قوي يبقى خلّي بالك وقل له وأنت بـ تطلب العصير، خصوصًا
لو طالب فاكهة مسكرة زي الرمان، الفراولة، أو المانجو.

«جنة الفواكة»
من المحلات القليلة في الزمالك اللي بـ يقدموا جودة هائلة، خدمة سريعة، وعصائر طازجة
بأسعار أعلى من العادي. إحنا عدينا على المحل ده كذا مرة، وجربناه في كذا تجمع مع أصدقائنا،
وبعدها بقى من روتين خروجاتنا، وكل مرة نجرب أنواع عصائر مختلفة واختراعات جديدة
زي الكيوي والأناناس والبرتقال، اللي طلعوا جامدين جدًا.

المكان ده
ممكن يبقى صغير جدًا لكن إحنا بـ نعتبره جوهرة، وعنده حاجات كثير قوي يقدمها لزبائنه،
فما تستهونش به!

نصيحة 360

بـ يحبوا يحطوا سكر كثير شوية في عصير الليمون، فلو أنت هـ تستخدمه علشان تخلطه مع حاجة ثانية يبقى الأحسن أنك تطلبه من غير سكر.

أحسن حاجة

بـ يوصلوا الطلبات للمنازل في أي وقت من اليوم، وتقدر كمان تعمل الكوكتيل اللي أنت عايزه.

أسوأ حاجة

السعر ممكن يبقى غالي شويتين لو طلبت كمية كبيرة، والمحل مش هـ يشدك قوي يعني.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح