The Definitive Guide to Living in the Capital , Cairo , Egypt

كافيهات
جو شوكليت بار – Joe’s Chocolate Bar

جوز شوكليت بار: منيو صغيرة وطعم مميز من أخصائي الشوكولاتة في الزمالك

  • 2 شارع طه حسين، الزمالك.
  • مخبوزات وحلويات
تم التقييم بواسطة
Ramy Soliman
قيم
قيم الآن
جوز شوكليت بار: منيو صغيرة وطعم مميز من أخصائي الشوكولاتة في الزمالك

أهل الزمالك كانوا بيشتكوا إن ملوك الحلويات مش فاكرينهم، يعني سكان المعادي عندهم برو أند تشو يمتعهم بحلوياته، وعائلات القاهرة الجديدة ومدينة نصر و6 أكتوبر عايشين حياتهم مع ديب أند ديب، بس الكلام ده اتغير خالص. جوزشوكليت بار وصل يا زمالكاوية  في شارع طه حسين وهيحقق كل أحلام عشاق الشوكولاتة.

مطعم جزء مقسوم دورين، الدور الأول مش هتلاحظ فيه حاجة مميزة إلا إن التدخين مسموح، أما الدور الأرضي فهو مسقط رأس الشوكولاتة. أول حاجة هتلاحظها هي رسومات شيكولاتة على الحيطة – اللي متركبة مقلوبة بحيث تعمل شكل موجات شوكولاتة – مع الإضاءة الهادية والأجواء المريحة للأعصاب.

المنيو محدودة ومافيش فيها حاجة مُلفتة للانتباه، بس عمومًا إحنا طلبنا مولتن شوكلت كيك (47 جنيه) وكريب تريبل شوكليت (41 جنيه) وصنف جديد الجرسون كان مُصر إننا نجربه وهو أوريو وافل (49 جنيه).

طعم الشوكولاتة في المولتن شوكلت كيك كان قوي والكيكة طرية جدًا وكمان قلبها كان عامل زي قوام البودينج، ونقدر نقول أنه طبق حلو هايل وسكره مضبوط ومستوي في الفرن كويس جدًا. الفكرة هنا أن الآيس كريم كان أحسن يتقدم لوحده علشان سخونية الكيكة سيحته بسرعة.

التريبل شوكليت كريب كان على نفس المستوى، ثلاث قطع كريب مثلثة خفيفة، وكل واحدة منهم محشية كمية محترمة من شوكولاتة باللبن ومرشوش فوقهم شوكولاتة بيضاء ولبن وداكنة. طلبنا منهم كمان يضيفوا فواكه (10 جنيه) عبارة عن مكعبات كيوي وموز وفراولة، والجميل أنهم كانوا طازة رغم إننا مادخلناش على موسم الفراولة.

لما طلبنا أوريو وافل توقعناه يكون وافل عليه شوية قطع أوريو على الوش وشكرًا، بس المفاجئة أن عجينة الوافل كانت محشية طبقة أوريو. صحيح الوافل كانت محتاجة شوكولاتة باللبن ومش بتتمضغ بسهولة لحد ما، بس العجينة كانت طرية ومقرمشة، وطعم الأوريو كان واضح في كل قطمة.

أكيد چوزشوكليت بار أبهرونا بحلوياتهم الرائعة، بس أكيد المنيو محتاجة تنوع أكبر. مافيش شك إننا هنرجع علشان نخبط واحدة مولتن شوكليت كيك.

نصيحة 360

جوزشوكليت بار بيقدموا بان كيكس وزبادي بالفواكه وشوفان على الفطار.

أحسن حاجة

المولتن شوكليت كيك مالهاش حل.

أسوأ حاجة

منيو محدودة.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح