The Definitive Guide to Living in the Capital , Cairo , Egypt

زاكس – Zack’s

زاكس بيكري أند كافيه: فطار بسيط ولذيذ في الرحاب

تم التقييم بواسطة
Hend Salah
قيم
قيم الآن
زاكس بيكري أند كافيه: فطار بسيط ولذيذ في الرحاب

مفيش أحلى ولا أجمل من رائحة مخبوزات لسه طالعة حالًا من الفرن مع شوية كابتشينو منعش، وهو ده كان سبب زيارتنا لـ "زاكس Zack's" في مدينة الرحاب الموجود داخل مطعم سمايليز تيك أواي – وهو مكان غريب شوية بس تمام – المكون من محل صغير فيه ست ترابيزات وكنب جلد وكراسي وأرفف عليها كتب قديمة وفي الخلفية مشغلين موسيقى جاز هادئة.

اتفرجنا على المنيو وكلنا شوق نجرب مخبوزاتهم الطازجة، وفيها شوفنا مجموعة من الحاجات الموجودة في أي مخبز زي ساندوتشات وعيش وكيكات وفطائر وكوكيز. لفت انتباهنا إن في حاجات عند زاكس – خصوصًا الكرواسونات – مش موجودة في المنيو. بدأنا اليوم مع ساندوتش تونة في عيش بني ومعاه شوية رقائق مملحة (23 جنيه).

العيش البني الخفيف بطعمه اللذيذ كان فيه التونة ومعاها خضروات، والرقائق المملحة كانت إضافة هايلة للطبق.

نروح على حلويات زاكس المتنوعة اللي تشمل براونيز وفطائر وكوكيز وطلبنا منهم شوكليت بسكيت كيكchocolate biscuit cake  المميز بيها زاكس (18 جنيه). الكيك كان عبارة عن قطع صغيرة من البسكويت المخلوط مع الشوكولاتة متغطيين بطبقة صحيح كانت رقيقة بس غنية بالشوكولاتة.

مسك الختام كان مع الآيس لاتيه (24 جنيه) وهارت بيت كوكتيل  Heart Beet cocktail  بـ 25 جنيه – عبارة عن خليط من الفاكهة والخضروات – وطبعًا عندهم عدد كبير من المشروبات الصحّية المنعشة. الكوكتيل كان من عالم ثاني، خليط مبهر من الكرنب ونصف ليمونة ونصف برتقالة وتفاح أخضر فعلًا يستحق العلامة الكاملة بطعمه اللذيذ الرائع – ودي كانت نهاية رائعة لفطار مميز.

جايز موقع زاكس يكون غريب شوية، بس مع الأكل والموسيقى والأسعار المعقولة والموظفين المميزين أكيد تجربتنا معاهم كانت هائلة.

نصيحة 360

أنت عاشق ولهان بالأكل؟ لو الإجابة أيوه يبقى لازم تتابع حساب زاكس على صفحتهم على إنستجرام - الموضوع كبير.

أحسن حاجة

أكل طازج وخدمة ممتازة.

أسوأ حاجة

موقعه الغريب، والمنيو كمان كان قديم.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح