The Definitive Guide to Living in the Capital , Cairo , Egypt

كافيهات
ستافولتا – Stavolta

ستافولتا: أحلى آيس كريم معمول بشغف وحرفية في المعادي

  • 39 شارع 231
  • ألبان وآيس كريم
  • 10 صباحاً - 11 مساءً -
تم التقييم بواسطة
Nagla Ashraf
قيم
قيم الآن
ستافولتا: أحلى آيس كريم  معمول بشغف وحرفية في المعادي

الصيف وصل وبدأت محلات الآيس كريم تنافس على الأنواع الجديدة المختلفة والطعم اللي ياخد العقل ويدخلك مملكة من الروقان والاستمتاع بكل طعم، والأهم من ده كله أنه يكون السعر مناسب علشان نقدر نستمتع براحتنا بأنواع مختلفة وكل ده متوفر من زمان في آيس كريم ستافولتا – Stavolta في المعادي.

برغم أن المكان صغير جدًا ومافيش إلا كنبة جوه المكان خشبية وكنبة تانية بره، إلا أنه قدر يحافظ على جمال وحرفية الآيس كريم الـ Home Made اللي بيعمله على مدار السنين اللي فاتت، ده غير أنه كل شوية بيبتكر نكهات جديدة تربط عشاق الآيس كريم بتاعه بيه أكتر وأكتر.

أول ما دخلنا المكان لاقينا في التلاجة بتاعة التورت كونات أيس كريم مربعة متغلفة بطبقة شوكولاتة وجواها عصاية خشبية نمسكها منها، وبرغم أنها أغرتنا نشتريها إلا أننا فضلنا نجرب حاجات تانية ونستكشف المكان.

وما بين أنواع أيس كريم  ستافولتا الكثيرة من تراميسو وكانتالوب ومختلف أنواع الشوكولاتة بالبندق وباللبن وسادة قررنا نجرب الأنواع اللي بنحبها، وطلبنا كون آيس كريم Salted caramel  بـ 20 جنيه، وعلبة فيها 3 بولات بأنواع الليمون والفانيليا وميكس توت بـ 50 جنيه.

آيس كريم الـ Salted caramel خرجنا من العالم اللي إحنا فيه ودخلنا عالم من المثالية والجمال لمدة خمس دقائق كاملة، حالة من الإنسجام مع طعم الكراميل الخفيف وإحساس الملح الخفيفة جدًا لدرجة أنك ماتحسش بيه مع قرمشة البسكوتة اللي طازة وبتتكسر بسهولة وطعمها منعش خلتنا عاوزين نسكن قدام المكان علشان ما نتحرمش من المتعة دي أبدًا.

لكن برضه طعم الـ Mixed berries  اللي مالوش حل واللي جمع مختلف أنواع التوت بدون ما يبقى مزز قوي أو مسكر بزيادة خلانا نحتار أنهي نكهة أحلى وده اللي دائمًا بيعمله ساتفولتا فينا خاصة مع طعم الفانيليا اللي رجعنا فعلًا لطفولتنا لما كنا بنستمتع بطعم الفانيليا من غير مواد حافظة أو طعم صناعي، برضه الليمون كان حكاية مشكلته الوحيدة أن كان فيه قطع ثلج وده ممكن يكون لأنه ماتقلبش كويش وهو بيتعمل بس كطعم لا يُعلى عليه.

جربنا ندوق أنواع الشوكولاتة اللي كانت دسمة جدًا وغنية بس ماقدرناش نزود أكثر من كده لأن بطننا ماكنش فيها مكان خالص. خلصت زيارتنا المرة دي لستافولتا بس أكيد أكيد مش هتكون زيارتنا الأخيرة لها.

 

نصيحة 360

جربوا التيراميسو والفراولة.

أحسن حاجة

الطعم حكاية مايتوصفش من جماله.

أسوأ حاجة

الأسعار ممكن تكون مبالغ فيها شوية.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح