The Definitive Guide to Living in the Capital , Cairo , Egypt

كافيهات
سلطانة

سلطانة: الكنافة مانجو معشوقة الجماهير دلوقتي بالآيس كريم

  • سيتي ستارز، شارع عمر بن الخطاب
  • ألبان وآيس كريم
تم التقييم بواسطة
Ramy Soliman
قيم
قيم الآن
سلطانة: الكنافة مانجو معشوقة الجماهير دلوقتي بالآيس كريم

رمضان ما يكملش إلا بالحلويات الشرقية، يعني كنافة مافيش مشكلة، بسبوسة ماشي، زلابية وبقلاوة يا ريت. علشان كده كل رمضان بنشوف ابتكارات من محلات الحلويات في القاهرة اللي بيخترعوا أفكار جديدة لحلويات رمضان اللي كلنا بنحبها، من الكنافة بالنوتيلا لغاية ما حشوها بالريد فيلفيت. أما محل الآيس كريم المعروف سلطانة فقرر يعمل فكرة مبتكرة وبسيطة للكنافة تستحق التجربة.

سلطانة في شارع الكوربة يتميز بأجواء لطيفة وطبعًا بتستمتع بجمال ثلاجات الآيس كريم الكبيرة والفريزر الضخم المعروض فيه كيكات الآيس كريم مع أرفف الشوكولاتة المغرية.

سلطانة عمل منيو لرمضان عبارة عن تشكيلة من كيكات كنافة بالآيس كريم، منها كنافة تشيز كيك (200 جنيه) وكنافة نوتيلا (240 جنيه) وكريم كراميل آيس كريم كيك (240 جنيه)، لكن اللي لفت انتباهنا فعلًا كان كيك الكنافة بالمانجو والآيس كريم (240 جنيه) بألوانها الجذابة وشكلها المغري.

كيك الكنافة بالمانجو والآيس كريم من سلطانة عبارة عن طبقة آيس كريم مانجو تحت خالص، وفوقها طبقة ثانية من آيس كريم فانيليا مع قطع مانجو وحواليهم أصابع كنافة مقرمشة.

طبعًا قوام وجودة الآيس كريم عند سلطانة لا يعلي عليهم، وكمان طبقة الآيس كريم فانيليا كانت ضعف حجم الآيس كريم مانجو فقدرت توازن الطعم، أما أصابع الكنافة فكانت روعة خصوصًا لما تغمسها في الآيس كريم وبعدهم قطع المانجو الجميلة. نقدر نقول أن الكيكة عمومًا كانت لذيذة وطعمها قريب من الكنافة بالمانجو العادية، لكن أبرد وأخف شوية.

صحيح الموضوع شكله بسيط جدًا، لكن سلطانة فعلًا عمل كنافة مانجو ممتازة. هي عمومًا فكرة جديدة وذكية تحارب بها حر الصيف بعد صيام طويل. هو ده الكلام.

 

نصيحة 360

أطلب من الموظف يقسم الكيكة نصفين، وبكده ممكن تشترك فيها مع حد ثاني.

أحسن حاجة

فكرة عبقرية.

أسوأ حاجة

قطع المانجو قليلة.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح