The Definitive Guide to Living in the Capital , Cairo , Egypt

كاكاو شوكوليت لاونج – Kakao Chocolate Lounge

كاكاو شوكليت لاونج: اختراعات شوكولاتة بيتى فى جاردن سيتى

  • 2 شارع سلسول
  • 0227959041,01223535000
تم التقييم بواسطة
Jessica Noble
قيم
قيم الآن
كاكاو شوكليت لاونج: اختراعات شوكولاتة بيتى فى جاردن سيتى

لو دورت كويس وسط دوشة القاهرة وشوارعها الزحمة، احتمال تلاقى درر مستخبية، حتى فى أغرب الأماكن. كاكاو شوكليت لاونج Kakao Chocolate Lounge مكانه مخفى وسط العدد الكبير من مبانى السفارات الجميلة فى حى جاردن سيتى، على الشارع الهادئ الزعيم الهندى غاندى. واجهة المحل الشبيه بالكافيهات مش مختلفة أو فيها إبهار من أى نوع، بس الشكل العادى والقريب من موضة زمان بـ يضفى على المكان نوع من التواضع، مع شباك تخيلي معروض فيه شرح لخطوات فن صناعة الكيك.

رحبت بنا صاحبة المكان ومديرته فى نفس الوقت واللى عرضت لنا بكل حماس مجموعتها الكبيرة من الشوكولاتات والحلويات الأخرى. تنظيمه يشبه محلات الحلويات القديمة، كبائن زجاج بـ تعرض رفوف من نكهات الشوكولاتة المختلفة (350 جنيه للكيلو)، رفوف عليها كيك بوبس cake pops (7 جنيه)، وكيكات لذيذة طازة بالمكسرات (210 جنيه للكيلو)، فى حين أننا شوفنا برطمانات على رف فى الآخر فيها مارشميلو، ومكسرات ومرزبانية مغطاه بالكاكاو.

اشترينا علبة جاهزة فيها 8 أصناف شوكولاتة لذيذة وغنية بالنكهة (50 جنيه). للأسف، مافيش منيو مخصوصة لعلب الشوكولاتة الجاهزة، فلو ما سألتش من الأول، احتمال تلاقى شوية مفاجآت مش لطيفة لو كنت بـ تدقق على نكهة الشوكولاتة. عمومًا بـ ننصح وبشدة تجربة شوكولاتة “كريسبى” بشكلها غير التقليدى وغلافها المجزع باللون الأبيض والأزرق، مع قطع من الشوكولاتة بالحليب وأرضية من قطعة بسكويت صغيرة، ووسطها كرات شوكولاتة روعة.

علب مخملية جذابة على شكل طربوش أسعارها بين 25 لـ 90 جنيه، وممكن تملأها بأى مجموعة من إبداعاتهم بسعر زيادة. علبة ضخمة فيها 88 قطعة سعرها كان 420 جنيه.

لاحظنا مجموعة من الشوكولاتات والتشيز كيك شكلهم جذاب، وينفعوا لأى مناسبة، يقضوا مجموعة مكونة من 8 أفراد، وسعرها معقول جدًا (120 جنيه). الكيكات حسب الاختيار بـ تُخبز وتُصمم عن طريق صاحبة المكان نفسها وبـ تبقى جاهزة خلال يومين. عرضوا علينا مجموعة من الصور لكيكات عملوها لمناسبات كثيرة من أعياد الميلاد لحفلات عزوبية وحفلات للأطفال المولودين، ونقدر نقول بكل ثقة دى كانت من أكثر التصميمات إبداعًا وأحسنها تصميمًا من بين اللى شوفناه. ممكن التصميم يتنقل أو يتنفذ تصميم جديد عن طريق الجمع بين خيال الزبون وخيال صاحبة المكان. الموضوع مش مجرد كيكات من إبداعك، ممكن كمان تقدم أنواع فريدة وغير تقليدية من أطباق اللحوم المسكرة أو الحادقة، والجبن والساندويتشات مع بعض لشد الانتباه بشكل طريف ومبدع.

ورغم أن معظم الاهتمام مركز على جزء الشوكولاتات، كاكاو كمان يعتبر كافيه بـ يقدم منيو صغيرة لكن أنيقة من المشروبات الساخنة (10: 15 جنيه) والباردة (4: 8 جنيه)، وعصائر فريش (15 جنيه) ومجموعة بسيطة من الوجبات الخفيفة منها ساندويتشات (12: 22 جنيه)، كريب (18: 22 جنيه)، فوندو لفرد أو فردين (25: 40 جنيه) وعدد من الكرواسونات والمعجنات (7: 9 جنيه). طلبنا طبق واحد من ديرت كيك dirt-cake (20 جنيه) وعاء فخار مليان شوكليت موس وعليه فوم شوكولاتة ووردة للزينة. الشوكليت موس كان خفيف وغنى بالكريمة، ويعتبر كويس بالمقارنة مع تجاربنا السابقة فى أكثر من مكان.

بصفته متخصص فى الكيكات المخصوصة المبتكرة وتقريبًا عدد لانهائى من نكهات الشوكولاتة اللذيذة بـ ننصحك تجرب كاكاو شوكليت لاونج كمكان هادئ ومناسب علشان تستمع بحاجة حلوة.

نصيحة 360

زورهم أو اتصل بهم على 01223535000 علشان تشرح الكيكة اللى على مزاجك.

أحسن حاجة

ابتكارات الكيكات فعلاً مميزة وإبداعية.

أسوأ حاجة

الشوكولاتة أسعارها غالية شوية.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح