The Definitive Guide to Living in the Capital , Cairo , Egypt

الواضح أنه بقى فيه جنون كب كيك في القاهرة، إيه الفكرة في أن القاهريين عايزين كريمي كب كيك على طول؟ بس مش مشكلة دلوقتي فيه "كرامبز كب كيك & مور" بـ يبيع كب كيك حلوة قوي كل يوم.

هـ تلاقيه موجود في شارع ابن نبيه بجانب محل «أي شوب» في الزمالك، محل صغير مساحته تكفي ترابيزات مدورة صغيرة، وماكينة أسبريسو صغيرة وعلامة كبيرة باللون البمبي على مدخل المحل مكتوب عليها: "خليك هادىء و كل كب كيك"، نصيحة صعب أنك تنفذها أول ما تشوف الكب كيك في المحل.

الكب كيك متوفرة بحجمين: حجم صغير بـ 3 جنيه وحجم كبير بـ 9 جنيه، فيه صبورة سوداء وراء الكاشير عليها المنيو مكتوب باللونين الأبيض والبمبي، هـ تلاقي كب كيك بالفانيليا بيبي وممكن تكون عارفها لو أكلت كرامبز قبل كده في «لوليز». فيه كمان أوريو كب كيك جواها أوريو كوكي وعليها كريمة فانيليا على الوش، وكب كيك الليمون بالمارينج عليها كريمة الليمون والمارينج.

غير الكب كيك فيه أنواع أخرى موجودة زي ميني مافين بالقمح بـ 3 جنيه للقطعة، كوكيز بـ 4 جنيه، الكوكيز بالسكر بـ 5 جنيه، وفطائر الوبيز بـ 5 جنيه بس لازم تطلب فطائر الوبيز قبل الاستلام بـ 24 ساعة. فيه أربعة أنواع نكهات ممكن تختار منهم زي تشيز كيك بالشوكولاتة، ريد فيلفيت، شوكولاتة بزبدة الفول السوداني والزنجبيل. ومن الكويكز جربنا كوكيز بالجنزبيل كانت بسكويت مسطح وسهل المضغ، سميك وطري والمزيج ما بين السكر والجنزبيل كان مظبوط، طعمه ماكنش مسكر قوي ولا ثقيل قوي.

أما الكب كيك كانت مسكرة قوي وممكن تخلي أي طفل نشيط ينطلق أكثر بعد ما يأكلها. كب كيك بالجزر طرية بس الكريمة الثقيلة على الكب كيك غطت على طعم الجزر. كب كيك الليمون كانت مسكرة قوي، وكب كيك الشوكولاتة بالنعناع كان طعمها أقرب لطعم معجون الأسنان. كان نفسنا طعم الريد فيلفيت يكون حلو بس كان لها طعم غريب بعد ما تأكلها.

بس إحنا حبينا جدًا طعم كب كيك بالعسل والقرفة والموز، طعم القرفة والعسل كان على الكب كيك حلو قوي. تورتة عيد ميلاد في «كرامبس» بتبقى كب كيك لونها أبيض وعليها إم & إمز وجواها قطع شوكولاتة هـ تحبها جدًا. فيه كمان كيك شوكولاتة بزبدة السوداني ومحشية بزبدة السوداني ومتزينة بشكل حلو.

«كرامبز كب كيك & مور» بـ يقدم خدمة توصيل للمنازل في المهندسين، الدقي، هليوبوليس لكن لسه مافيش في المعادي. المحل بـ يعمل كب كيك وكوكيز مخصوص للحفلات. وحسب مصدر عرفنا أن الكب كيك الطازجة والفريش بـ تبقى جاهزة الساعة 11 صباحًا، فحاول تروح بدري علشان تلحق تشتري لأنهم بيخلصوا بسرعة.