The Definitive Guide to Living in the Capital , Cairo , Egypt

كزابلانكا أند سويت هاوس – Casablanca and Sweet House

كزابلانكا أند سويت هاوس: محل حلويات ما تبقاش فيه غير الذكريات في المعادي

  • بداخل معادي جراند مول
  • مخبوزات وحلويات
  • 0225195337,0225195325
تم التقييم بواسطة
Nagla Ashraf
قيم
قيم الآن
كزابلانكا  أند سويت هاوس: محل حلويات ما تبقاش فيه غير الذكريات في المعادي

كل الأسر المصرية بـ تحب تشتري الحلويات سواء الشرقية أو الغربية من محل موثوق فيه وسمعته سابقاه وده طبعًا لأنك لو عازم حد أو رايح لحد زيارة، بـ تجيب حاجة أنت متأكد أنها حلوة علشان تكرم بها ضيوفك. بس للأسف لطبيعة شغلنا لازم نجرب المشهور وغير المشهور، وبرغم أن المحل شكله ما شجعناش لأن أهل المعادي ما اعترفوش بشهرته لأسباب هـ نذكرها لكم لاحقًا.

محل "كزابلانكا أند سويت هاوس – Casablanca and Sweet House" في جراند مول المعادي، تقدر تشوفه لما بـ تدخل جوه المول فقط واللي كان أمامه زمان Le Gourmet واللي قفل بعد فترة من افتتاح محلات حلويات أخرى في المعادي زي la Poire وL’amendine  وSweet Corner وSale Sucre.

المحل مش كبير، أول ما بـ تدخل بـ تلاقي على يمينك قطع بيتي فور صغيرة بالفانيليا والشوكولاتة والكراميل والنسكافيه وكان فيه قطع شكلها مختلف وفيها ألوان زي الأخضر والأحمر بـ 130 جنيه الكيلو، من القطع اللي لفتت نظرنا قطعة بالكاجو والنسكافيه، وقطعة بالفاكهة وآيسينج أخضر. كمان كان فيه نوع آخر بالشوكولاتة والفانيليا ممزوجين ببعض بـ 110 جنيه للكيلو. وكان عنده كمان قطع شوكولاته سادة الكيلو بـ 140 جنيه.

أما بالنسبة للتورت Tartes اللي كانت على الشمال، فكانت الأنواع العادية ما بين اللي بالشوكولاتة بس أو بالفانيليا والفاكهة بس أو نصف ونصف وكمان كان فيه تورت آيس كريم وبـ تبدأ أسعارهم من 130 جنيه، كمان عنده باتون ساليه طازة الكيلو بـ 130 جنيه.

الحقيقة أن شكل الجاتوه كان عادي بس قلنا نجربه، ويا ريتنا ما قلنا نجربه، كان عامل زي البطيخة من جوه تبان لك حلوة ومن جوه للأسف قرعة، جربنا قطعة جاتوه بلاك فورست وقطعة ثانية بالكراميل (القطعة 9 جنيه)، وللأسف كانت غير طازة بالمرة، العجينة مع الكريمة ناشفة وبـ تشد معاك في الشوكة لأنها مش طازة، على الأقل بقى لها أسبوع بالطعم اللي إحنا ذقناه.

أما بقى قطعة الإكلير eclaire فكانت عجيبة، بالرغم من أن كان فيه إكلير بالكراميل وكنا هـ نجربه بس الحمد لله أننا اختارنا المضمون إكلير الشوكولاتة، لأن الطعم كان حلو ولكن للأسف مع الألم كانت مبلولة من تحت كأنها مطرت بس على القطعة دي، ونعتقد ده بسبب الثلاجة وأن الصوص اللي جوه الإكلير كان كثيف والعجينة خفيفة، وبرضه القطعة بـ 9 جنيه.

أما الحاجة الوحيدة اللي عجبتنا كانت قطعة باباي ودي كانت عبارة عن كوباية صغيرة فيها عجينة من فوق وحولها فاكهة، والحقيقة أنها الحاجة الوحيدة اللي كانت طازة ولكن للأسف صوص الفاكهة خلى قوام العجينة اللي تحت طري جدًا. والقطعة كانت بنفس السعر.

قلنا نجرب الحلويات الشرقية اللي في المحل وكان عنده صينية بسبوسة (الحجم الكبير 40 جنيه، والصغيرة 20 جنيه)، وعلبة مجمعة فيها كل أنواع الحلويات الشرقية بـ 170 جنيه، جربنا صينية البسبوسة الصغيرة، وكانت عادية تعتبر من أحسن الأشياء هناك.

بشكل عام في الفترة الأخيرة بعد انتشار محلات الحلويات وتنافسها على الجودة والسعر وبرغم أن المحل ده فاتح من سنة 1979 إلا أنه للأسف ما عرفش يحافظ على جودته أو سمعته وكان نتيجة لده هجر سكان المعادي له، وده اللي خلى الحلويات قديمة وطعمها غير قابل للأكل.

نصيحة 360

خليكم في المضمون ولو رحتم هناك ممكن تجيبوا ميني بيتي فور أو باتون ساليه.

أحسن حاجة

قطعة الباباي.

أسوأ حاجة

كل حاجة مش طازة برغم أن الأسعار قليلة.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح