The Definitive Guide to Living in the Capital , Cairo , Egypt

كافيهات
ليمونيز تشيز كيك – Lemony’s Cheesecakes

ليمونيز تشيز كيك: كيك على مزاجك أنت

تم التقييم بواسطة
Ramy Soliman
قيم
قيم الآن
ليمونيز تشيز كيك: كيك على مزاجك أنت

فكرة الأكل بيتي رغم إنها بتنتشر لكنها مش قادرة تحقق الشعبية المطلوبة، ويمكن المشكلة في الصورة اللي في مخيلة الناس إن النوعية دي من المطابخ بتطلع الأكل في أطباق فويل وملفوف بسوليفان. الموضوع اختلف شوية اليومين دول، وشوفنا مجموعة من الأسماء المحترفة بتقدم جودة عالية، وواحد منهم هو ليمونيز تشيز كيك.

واضح طبعًا من الاسم إن ليمونيز متخصيين تشيز كيك. في الأول كده نحب نستعرض معاكوا شوية أنواع عند ليمونيز من ليمون تشيز كيك (240 جنيه) وبناكولادا تشيز كيك (280 جنيه) وهيرشيز شوكليت تشيبس وبراونيز تشيز كيك (290 جنيه) لتشيز كيك بكريمة زبدة الفول السوداني والشوكولاتة (290 جنيه)، وطبعًا واضح من الكلام ده إنهم يقدروا يحققوا أحلام عشاق الحلويات أيًا كان ذوقهم وطلبهم.

نروح لمرحلة طلب الأوردر البسيطة جدًا؛ تدخل على المنيو الموجود في صفحتهم على فيسبوك، وبعدين تتصل بيهم وتعرفهم طلبك، وبعدها بيوم يوصلك لغاية عندك.

فكرنا كتير وإحنا بنختار، وفي الأخر قررنا نطلب سولتد كراميل توفي كرانش (290 جنيه). الفرق بين ليمونيز تشيز كيك وأي مكان تاني هو التغليف اللي أبهرناأول لما شوفنا الكيكة. شكل العلبة اللي عليها اللوجو يفرح بلونها الأبيض في وردي، والكيك نفسها محطوطة على بوردة كيكة لونها وردي برضه، وبكده تقدر تطلبها لو عندك عزومة عائلية أو أصحابك عندك.

بالنسبة للتشيز كيك فأطراف الميرنجي اللذيذة وقوامها اللي ماسك نفسه على الأخر وكمية السكر المضبوطة كانوا روعة، وكمان كانت خفيفة وغنية بالكريمة زي ما الكتاب بيقول. أما السولتد كراميل فكان بجد مملح – مش مجرد اسم وخلاص –ونكهته هايلة، وكمان إضافة الرايس كريسبيز عمل قرمشة لذيذة، وبكده نكون وصفنا لكم التحفة الفنية من قلب الحدث.

في النهاية في حاجة واحدة أكيد وهي إن ليمونيز تشيز كيك هيبهرك. بالنسبة للعلامة التجارية فبصراحة الناس عاملين شغل عالي وقدروا يسوقوا الموضوع على السوشال ميديا كويس جدًا، وكمان شكل التعبئة والمنتجاتبنفس مستوى الأماكن الكبيرة، والأهم من كل ده إن تشكيلة التشيز كيك كبيرة ومتنوعة وشكلها حلو زي الصور.

نصيحة 360

كلموهم على 01096495979.

أحسن حاجة

شكل التغليف وطبقات الكيكة الجميلة، وطبعًا تشكيلة التشيز كيك المعتبرة.

أسوأ حاجة

لازم تشتري الكيكة كاملة! مافيش قطع لوحدها.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح