The Definitive Guide to Living in the Capital , Cairo , Egypt

ماربل سلاب كريمري

ماربل سلاب كريمري: اختراعات آيس كريم على مزاجك في داندي مول

تم التقييم بواسطة
Haisam Awad
قيم
قيم الآن
ماربل سلاب كريمري: اختراعات آيس كريم على مزاجك في داندي مول

المحلات بـ تزيد كل يوم في داندي مول اللي قبل بوابات
طريق مصر/ إسكندرية الصحراوي، أحدث محل هو سلسلة محلات الآيس كريم
العالمية «ماربل سلاب كريمري – Marble Slab Creamery» اللي انتشرت فروعه من أمريكا لدول الخليج وفات وقت طويل قبل ما
يكون له أول فرع في مصر، ولسه هـ يكون له فرع ثاني في سيتي ستارز أمام محل الأكلات
السريعة الصحية «أكسبريس باي مو».

علشان
تختار الطلب بتاعك دي عملية مش سهلة في حد ذاتها، وبـ تنقسم لـ 3 مراحل هم: اتخاذ
القرار – نوع العبوة – والنكهة والمذاق. وأول مرة دائمًا هـ تبقى صعبة علشان
الاختيارات كثيرة وتلخبط. ولحسن الحظ أن العاملين متعاونين قوي وهـ يسهلوا عليك
الدنيا وهـ يخلوك تجرب وتتذوق أي نوع من الآيس كريم وتعمل الكونو بتاعك على مزاجك.

بعد
ما تختار من وسط كل المذاقات الموجودة، اللي من أول طعم (اللبان) والتشيز كيك
لغاية المانجو والعسل، الاختيارات بتاعتك بـ يتم خلطها على بعض وفردها زي العجين
على قطعة رخام بدرجة حرارة الفريزر (ومن هنا كانت التسمية Marble Slab) وبـ يتم إضافة أي حاجة بـ تختارها زي المكسرات أو الشوكولاتة
وبعد كدة تتلم العجينة مرة ثانية وتوضع في الكونز أو في العلبة.

أنواع
كثير من الشوكولاتة والحلوى زي شوكولاتة “هيث” الأمريكية بالكراميل
واللوز (5 جنيه) ودي إحنا اختارناها بـ تضاف للخليط بتاعنا وبعدنا عن الأصناف
المعروفة زي الشوكولاتة البيضاء وبالكريسب (من 5 لـ 6 جنيه).

اختارنا
نوع بسيط لكن لذيذ وده البولة منه بـ 18 جنيه، وطلبنا من صديقنا اللي خلف الكاونتر
أنه يزود لنا قطع شوكولاتة “هيث” والكيت كات (5 جنيه) المكسرة. وكل
المكونات كانت فريش وبـ تقرمش وبسكويت الكون كان كده برضه. كل عناصر الآيس كريم
كانت مبهرة! وطريقة الخلط طبعًا عبقرية.

جربنا
كمان التفاح والقرفة وحطينا عليها فتافيت شوكولاتة “هيث” اللي أدمناها،
وشهادة للقائمين على المحل؛ عارفين يعني إيه آيس كريم! التفاح والقرفة لوحدهم
كانوا حكاية، وبعد إضافة اللوز والزبدة والشوكولاتة وخلطهم أصبح القوام كريمي أكثر
لكن ده ما غيرش أي حاجة في الطعم. فيه إضافات ثانية زي السنيكرز واللبان والكريسب.

وعلشان
كل حاجة فيها عيب، مشكلة «ماربل سلاب» هي الحجم، هو مثالي لتحضير الآيس كريم بسرعة
للتيك آواي، إنما فيه تاربيزتين صغيرين فقط في الداخل، وباقي أماكن الجلوس هـ تبقى
في الخارج أمام مدخل المحل. من الصعب أنك تطلع عيوب في المكان، لكن علشان إحنا بـ
نحب دائمًا نعيش في دور المظلومين والمضطهدين لاحظنا على طول أن التشكيلة الموجودة
في العرض أقل من الموجودة في الفروع الثانية في أمريكا أو دول الخليج!

رغم
أنه بـ يقدم آيس كريم فقط لكن إحنا متوقعين له استمرارية ونجاح ساحق، وده برضه
برغم أسعاره الغالية وأنه فتح أول فرع له في عز الشتاء، لكن المهم الجوهر، والآيس
كريم هنا حاجة ثانية وجدير بكل الاستثناءات.

نصيحة 360

في انتظار افتتاح فرع ثاني جديد في سيتي ستارز يوم 5 يناير اللي جاي.

أحسن حاجة

تنويعات غير محدودة من الآيس كريم وخدمة رائعة.

أسوأ حاجة

الأسعار! بولة واحدة هـ تكلفك 18 جنيه وده قبل ما تفكر هـ تحط أي إضافات ولا لأ.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح