The Definitive Guide to Living in the Capital , Cairo , Egypt

مخبوزات الحرية – El Horreya

مخبوزات الحرية: كل أنواع المخبوزات اللي تحبها في العجوزة

تم التقييم بواسطة
Nagla Ashraf
قيم
قيم الآن
مخبوزات الحرية: كل أنواع المخبوزات اللي تحبها في العجوزة

كثير بـ يبقى نفسنا في حاجة مسكرة مختلفة، أو حاجة حادقة تشبعنا بس مش كبيرة قوي، حاجة خفيفة بس تملأ التنك، وده أجمل حاجة في مخبوزات الحرية، موجود فى شارع الفلوجة وجنب مكتبنا بالضبط.

أول ما بـ تدخل الصبح، تجذبك رائحة الكرواسون وهو لسه طالع سخن، بـ يناديك علشان تفطر به فطارك المتين، وعنده كل الأنواع سادة وبالشوكولاتة، وباتيه بالجبنة البيضاء والزيتون، والجبنة الرومي، الواحدة فيهم بـ 1.5 جنيه، كمان لقيناه النهارده عامل سميط وده كان جديد أننا نشوفه في محل مخبوزات الحقيقة، والواحد كان بـ 1 جنيه.

ولأنه محل مش بـ يحرمك من حاجة أبدًا، دائمًا تلاقي عنده ميني باتيه بالجبنة والزيتون، الباكيت الصغير بـ يبقى فيه حوالي 7 وسعره 9 جنيه، وميني بيتزا بنفس السعر، وميني كراوسون جواه سوسيس بـ 11 جنيه. أما المفاجأة أنه كمان بـ يقدم فطير صغير بالزبدة.

أما بالنسبة للحلويات فهـ تلاقي لأول مرة كيك بيتي 100 % مقسم على باكيت، الواحدة بـ 11 جنيه برضه، وفيه منها بالفانيليا وفيه بالشوكولاتة، ده غير الكب كيك الصغير، وسعر الواحدة 3.5 جنيه، كمان ساعات بـ يعمل دوناتس برضه شوكولاتة وفانيليا وبالسكر وبـ تبقى كبيرة جدًا بس أحيانًا بـ تبقى مزيتة للأسف، وبرضه بـ يعمل جاتوه وميل فاي.

وكأي خباز لا يخلو من البسكويت اللذيذ السادة واللي بالشوكولاتة، والمحمصات والقراقيش، والتوست الناشف، وده طبعًا بـ يبقى على حسب النوع اللي تحبه، والسعر بالكيلو، كمان عنده بيتي فور كل الأنواع والأشكال، الكيلو بـ 45 جنيه، ولو عاوز حاجة مخصوص بـ يبقى بالطلب.

أهم من ده المعاملة والحقيقة أنه المكان ده بـ يبقى ملجأ لنا عند الجوع خاصة في آخر الشهر، وأنت بـ تدخل تحط اللي أنت عاوزه في كيس وتدفع عند الباب.

مخبوزات الحرية، متنوع جدًا في منتجاته، وإن كان ينقصه بعض الحرفية في بعضها.

نصيحة 360

ممكن تطلبهم على الرقم ده 01150573398.

أحسن حاجة

التنوع اللي بـ يقدمه.

أسوأ حاجة

بعض المنتجات بـ تبقى دسمة أو مزيتة.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح