The Definitive Guide to Living in the Capital , Cairo , Egypt

مسز فيلدز

ميسز فيلدز: كوكيز طازجة فى الزمالك

  • مخبوزات وحلويات
  • 01017620982
  • 10 صباحًا لـ 1 صباحًا -
تم التقييم بواسطة
Jessica Noble
قيم
قيم الآن
ميسز فيلدز: كوكيز طازجة فى الزمالك

كلنا عارفين أن مافيش قاهرى واحد ما بـ يحبش يحلى بحاجة حلوة أو حاجتين بعد كل وجبة؛ يمكن ده كان سبب افتتاح «ميسز فيلدز – Mrs. Fields» عملاق الكوكيز القادم من كاليفورنيا، وسط مطاعم وكافيهات كلوب 33 فى الزمالك، من ساعة ما فتح ميسز فيلدز سنة 1977 اشتغل على أنه يوصل للشهرة العالمية. يشترك ميسز فيلدز فى زجاج العرض مع TCBY خبراء الزبادى المثلج، وبـ يقدم لكل جمهوره كوكيز بيتى ممتازة كبديل للزبادى المثلج.

رغم أن TCBY مغطى شوية عليه، بس يافطة ميسز فيلدز مميزة بالأحمر والأبيض. عندهم كمان عدد محدود من الترابيزات خارج المكان، فى حالة أنك حبيت تأكل هناك بدل ما تأخذ طلبك معاك.

فى شباك العرض بـ تشوف مجموعة متنوعة من الكوكيز، ورغم أن التركيز غالبًا بـ يروح ناحية الشوكولاتة بأنواعها المختلفة، بس بـ يبيعوا كوكيز سادة، وبزبدة الفول السودانى وبالسكر. مجموعة صغيرة من الكيكات (28 جنيه للواحدة) زى كيكة اللوز بالفدج، وفدج مضاعف، وزبدة الفول السودانى وبراونيز بالجوز والفدج. عندهم كمان مافينز (20 جنيه) لو دماغك مش فى الكوكيز.

كوكيز بالشوكولاتة البيضاء والماكاديميا (16.75 جنيه) كانت أسطورية، ونفس الكلام بالنسبة لكوكيز sticky fudge chocolate بسعر 16.75 جنيه. الكوكيز كلها بـ تتخبز أمامك وبـ تفضل سخنة لحد ما تأكلها، وده معناه أنك هـ تستمتع بكوكيز لذيذة طرية. كوكيز sticky fudge كانت فعلاً متماسكة وغنية بالطعم اللذيذ؛ كوكيز بجد كما يجب أن تكون. كوكيز الشوكولاتة البيضاء بالماكاديميا كانت برضه مرضية، بس كمية الشوكولاتة البيضاء كانت زيادة شوية بطريقة تتعب المعدة.

مجموعة الستة قطع كوكيز الصغيرين اللى اختارناهم برضه كان طعمهم لذيذ وبـ يتمضغوا زى اللبان، عبارة عن كوكيز من الشوكولاتة باللبن، شوكولاتة باللبن مع الجوز، M&M’s sugar butter، وزبدة الفول السودانى، وشوكولاتة بيضاء وماكاديميا وشوكولاتة سكرها متوسط. قطعة الشوكولاتة باللبن مع الجوز خلقت مزيج لطيف بين الحادق والحلو، أما M&M’s sugar butter فكانت كأنها حبيبات مسكرة على اللسان. يمكن القطعة المخيبة للأمال شوية كانت زبدة الفول السودانى علشان طعم السودانى كان أقل من أنه يميز القطعة عن باقى الكوكيز الموجودة.

ميسز فيلدز بـ يقدم لزبائنه كوكيز لذيذة، طازجة وأكيد هـ تعجب كل عشاق الحلويات، اللى نفسهم فى بديل لزبادى TCBY المثلج أو محلات الكب كيكس المعتادة حتى لو كان السعر زيادة شوية.

نصيحة 360

جمع علبة من كوكيز ميسز فيلدز لمناسبة خاصة، وخلى بالك أن لغاية دلوقتي مافيش خدمة توصيل.

أحسن حاجة

The sticky fudge chocolate cookie  متماسكة بشكل ممتاز.

أسوأ حاجة

كوكيز بزبدة الفول السودانى.. هو فين السودانى؟

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح