The Definitive Guide to Living in the Capital , Cairo , Egypt

نوتيلاريا إيجيبت – Nutelleria Egypt

نوتيلاريا إيجيبت: أول محل نوتيلا يحقق توقعاتنا ويتجاوزها كمان في بورتو كايرو مول

  • داخل بورتو كايرو
  • مخبوزات وحلويات
  • 0000
تم التقييم بواسطة
Sarah Kamel
قيم
قيم الآن
نوتيلاريا إيجيبت: أول محل نوتيلا يحقق توقعاتنا ويتجاوزها كمان في بورتو كايرو مول

في يوم من الأيام، واحد من الناس هـ يحكي إزاي وقع العالم في غرام اختراع عبارة عن معجون شوكولاتة بالبندق اللي طلع من مدينة صغيرة في إيطاليا، أيوه بالضبط، إحنا النهارده بـ نتكلم على ظاهرة النوتيلا اللي زلزلت العالم.

مصر من أكثر الدول اللي أهلها بـ يموتوا في الحاجات الحلوة، وافتتاح  نوتيليريا في بورتو كايرو مول من غير مجاملة كان من أهم الأحداث بالنسبة لعشاق النوتيلا في مصر.

مع الرائحة الطازجة للحلويات المعمولة بالشوكولاتة في كل المكان، أكيد هـ توصل لمكان نوتيلاريا في بورتو كايرو مول، الديكورات هناك على شكل برطمانات نوتيلا بأحجام متنوعة –تشمل برطمانات عملاقة– ونافورة شوكولاتة كبيرة، ولو عاوز تعرف إحساسنا ودرجة انبهارنا بالمكان ممكن تتخيل إحساس تشارلي لما دخل مصنع ويلي ونكا للشوكولاتة.

كنا متحمسين لتجربة كل حاجة عندهم، فطلبنا وافل شوكولاتة بالنوتيلا (24 جنيه)، وافل سادة وعليه نوتيلا (24 جنيه)، تارت بلح بصوص النوتيلا (25 جنيه) و"نوتيلا إنجيكشن"، ودي عبارة عن اختراع عبقري من نوتيليريا لأكل النوتيلا عن طريق سرنجة (10 جنيه).

بعض الحاجات في المنيو لسه مش موجودة لأن المكان في فترة الإعداد، بس الأكيد أن كل اختياراتنا كانت هائلة، الوافلز كانت هائلة، طرية ومقرمشة في نفس الوقت، وخفيفة وسهلة المضغ برضه، ومسك الختام كان طعم النوتيلا الرائع.

قاعدة تارت البلح كانت مقرمشة وعملت تجانس ممتاز مع البلح الطري وصوص النوتيلا الغني. آخر الاختراعات معانا كانت النوتيلا إنجيكشن المكونة من عجينة نوتيلا بالبندق، ودي تعتبر فكرة بديلة هايلة لأكل النوتيلا بالملعقة.

بعد ما خلصنا مهرجان النوتيلا، فريق العمل الرائع قدموا لنا شاي فيوري، وهو عبارة عن شاي معمول من زهرة ناشفة في مياه ساخنة، المكان كله كان مليان بالرائحة القوية العطرية للشاي اللي بـ يُقدم معاه ريحان.

نوتيليريا كمان بـ يقدموا تشكيلة كبيرة من التشيز كيك، والتارت، والآيس كريم، وبعد زيارتنا الأولى، مش هـ نقدر نستنى علشان نروح ثاني ونجربهم، المهم دلوقت أن تجربتنا معاهم كانت هائلة، مافيش حاجة معينة ممكن ننتقد فيها نوتيليريا، وإحنا باعتبارنا من جمهورهم كنا مبسوطين من شغلهم وجودتهم العالية، نتمنى يحافظوا على مستواهم.

نصيحة 360

تقدر تشتري ميدالية مفاتيح على شكل برطمان نوتيلا صغير (20 جنيه) وعليه كلمة ترحيب إيطالية، والمفاجأة أنه فيه نوتيلا بجد!

أحسن حاجة

الوافلز بالنوتيلا أو من غيرها كانت روعة، والموظفين كانوا بـ يساعدونا بكل ود وترحيب.

أسوأ حاجة

لو مش بـ تحب الشوكولاتة، يبقي...

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح