The Definitive Guide to Living in the Capital , Cairo , Egypt

وافيليشيوس – Wafflicious

وافليشيوس: وافلز لذيذة في شيراتون هليوبوليس

تم التقييم بواسطة
Basma Mostafa
قيم
قيم الآن
وافليشيوس: وافلز لذيذة في شيراتون هليوبوليس

محل صغير جدًا في مساكن شيراتون هليوبوليس،
بـ يقدم وافلز لذيذة ومبتكرة، له فرع في القاهرة وفرع ثاني هـ يفتح قريب في التجمع
الخامس في القاهرة الجديدة.

المكان عبارة عن كاونتر بسيط ووقت زيارتنا
كان واقف وراء الكاونتر شاب صغير متعاون بس رغاي شوية! ولو الوافلز ما كانش حلو
قوي كنا مشينا بسببه. هو واقف بـ يحضر الطلبات لوحده وطبعًا الخدمة بـ تبقى بطيئة
لو المحل ازدحم شوية.

وبما أن المكان صغير ومافيش مكان جلوس، لو
رحت مع مجموعة كبيرة هـ تحس أن المكان دوشة بزيادة.

عجين الوافلز بـ يبقى متحضر من قبل كده،
يعني ممكن نقولك قد إيه هو طازج! ممكن تطلب الوافلز البلجيكي السميك أو الأمريكي
الرفيع، وننصحك بالرفيع المقرمش لو كنت شبعان، والثانية الطرية اللي عجينتها حلوة
كثير لو كنت جعان.

مش محتاج منيو علشان تختار، الوافلز
الكلاسيك بـ 15 جنيه، وبـ تختار إضافة من 4 بـ توضع على الوش: شوكولاتة نوتيلا، شوكولاتة
بيضاء، كراميل أو عسل. أي إضافة زيادة بـ تدفع 5 جنيه. وممكن تضيف شوكولاتة أو
فواكه أو آيس كريم.

وبعيد عن الشكل التقليدي للوافلز، «وافليشيوس»
عنده أحسن ماكينة بـ تعمل الوافل على شكل ميكي ماوس، دمه خفيف قوي وينفع تجيبه لحد
بـ تحبه، سواء كبار أو صغيرين.

المشكلة الوحيدة في الوافلز عمومًا أن السكر
فيه بـ يبقى كثير بالذات لو طلبت إضافات شوكولاتة.

«وافليشيوس» مثالي لو نفسك هفاك على وافلز
بس خلَّي بالك ممكن تدمن المكان والطعم وتلاقي نفسك عاوز تيجي كل شوية.

المكان بـ يقدم هدية للزبائن عبارة عن 5
دقائق لعب على جهاز الويي الرياضيWii
Sports علشان تكتمل التجربة المرحة في محل الحلويات المبتكر. أهم حاجة ما
تنساش تتمرن وتروح الجيم علشان تحرق السعرات اللي هـ تكتسبها بعد كل زيارة لـ
«وافليشيوس»، وأدينا مستنيين الفروع الجديدة اللي هـ تفتح بره القاهرة.

نصيحة 360

يستحسن تروح بعربية لو مش عاوز تقعد تأكل على الرصيف خارج المحل.

أحسن حاجة

وافلز فريش وساخنة وإضافات غنية ودسمة.

أسوأ حاجة

مليان سعرات حرارية، ضد الريجيم يعني.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح