The Definitive Guide to Living in the Capital , Cairo , Egypt

يام – YUM

يام: توصيل معجنات وفطائر طازجة فى القاهرة

تم التقييم بواسطة
Nermin Habib
قيم
قيم الآن
يام: توصيل معجنات وفطائر طازجة فى القاهرة

أيام وسط الأسبوع فى القاهرة عادة مقسومة بين ساعات من التنقل فى الزحام وتسع ساعات من الأعمال المكتبية؛ ومع اتجاه أغلب الموظفين لمكاتبهم، خدمة توصيل الأكل عادة تعتبر اختيار مفضل لوجبة الغداء. عمومًا، القاهرة عندها بدائل متعددة للأكلات السريعة التقليدية، ومعظمها بـ يقدم أفكار فريدة وطعم مميز.

مع افتتاحهم كمطعم توصيل طلبات فقط على طريق مصر الإسكندرية الصحراوى، “يام – YUM” دلوقت فتح فرع جديد فى المهندسين. مع تقديمه لتشكيلة كبيرة من الفطائر الصغيرة، السبموسك واللفائف، منيو يام تشمل كل حاجة من فطائر الفراخ والمشروم (26.50 جنيه) لسمبوسك الخضروات (17 جنيه) ولفائف البيف بصوص الباربيكيو (18 جنيه). بالنسبة للحلويات، عملاء يام الجعانين يقدروا يختاروا من شريحة الفاكهة باللوز الخفيفة (18 جنيه) لاختيار أثقل شوية من براونى شوكليت فادج (21 جنيه) بصوص الكاراميل.

بعد معاناة سريعة مع المسئول عن استقبال المكالمات، طلبنا فطيرة بيتزا (28 جنيه)، فطيرة بيف عادية (24 جنيه)، لفافة سبانخ مع جبن فيتا (19.50 جنيه) وكراميل الليمون اللذيذ (19 جنيه).

الفطائر كانت مغلفة بشكل أنيق فى علب كرتونية أما لفافة السبانخ والفيتا كانت ملفوفة بإحكام بورق تغليف داخل غلاف من الورق. كراميل الليمون وصل فى وعاء صغير من البلاستيك بنجاح من غير أى حوادث.

الفطيرتين بطعم الزبدة مع قرمشة خفيفة كانوا ممتازين؛ فطيرة البيتزا كان فيها كل المكونات الموجودة عادة فى البيتزا، بالإضافة لقطع من السلامى والبيبرونى مع موتزاريلا ذائبة تجمع المكونات ببعضها. فطيرة البيف الكلاسيكية كانت مخبوزة بلحم مفروم لذيذ مع كمية واضحة –لكن مش زيادة عن الحد– من شرائح البصل. صحيح تتبيلتها كانت ضعيفة، لفافة الجبن الفيتا والسبانخ كانت فى عجينة هشة ونسبة السبانخ للفيتا كانت مضبوطة قدرت تقدم طعم مميز. 

كون حوادقنا طعمها تحفة، أحبطنا جدًا من طعم كراميل الليمون بطعمه القريب من صابون مسكر، وكمان نكهة الليمون كانت قليلة جدًا. قوام الكراميل كان برضه غير مريح مع تذوقنا لحبيبات سكر فى الكمية الكثيفة من السمن المستخدم فى الحشو.

باستثناء الحلويات ضعيفة المستوى، “يام” أبهرنا بفطائره ولفائفه اللذيذة وحشوهم الرائع، باعتبارهم بديل مطلوب بشدة لاختيارات الغذاء المعتادة فى القاهرة.

نصيحة 360

فرع يام الثانى والأجدد موجود في المهندسين وفيه  أماكن للجلوس.

أحسن حاجة

بالرغم من بساطته، أكل يام بـ يشبع وممتاز لوقت الشتاء.

أسوأ حاجة

فيه حاجة غلط فى الكراميل.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح