The Definitive Guide to Living in the Capital , Cairo , Egypt

أبواب

أبواب: خليها مقفولة أحسن

  • أنور هانى
  • روايات
  • من الآن
  • عربي عربي
  • 15 جم
  • مكتبات وسط البلد
تم التقييم بواسطة
Heba Hasab
قيم
قيم الآن
أبواب: خليها مقفولة أحسن
كتاب فانتازى خيالى إلى حد بعيد فكرته بـ تقوم على أن البطل “شريف” عنده مهارات خارقة بـ تخليه يفهم أفكار الناس اللى حوله بوضوح وبـ يقدر يحرك أشياء من مكانها بمجرد النظر لها والتفكير فى تحريكها وده اللى خلى أحد وكلاء النيابة يستعين به فى بعض القضايا.. لغاية كده عادى.

اللى غير طبيعى فى الكتاب هى نوعية بعض القضايا اللى تعرض لها الكاتب زى مثلاً القضية اللى كان ضحاياها بـ يموتوا مقتولين بثقوب فى الرقبة واكتشف شريف عن طريق لمس الثقوب أنها نتيجة عضة مصاصى دماء وبعد لمس أكثر من جثة بـ يكتشف أن القتلة أخين توأم وواحد فيهم عنده جرح فى شفته السفلى وأنهم بـ يلبسوا قناع حديدى وقت عض الضحية وبـ يحاولوا يختاروا أماكن للقتل تشكل نجمة سداسية اتباعًا لأحد أعراف عبادة الشياطين واستدعاء لعنة معينة، وبعد فقدان الأمل من القبض عليهم ومعرفة أسماءهم بـ يكتشف شريف أنهم أصدقاؤه من أيام الطفولة لما بـ يحضر الحفل اللى دعاه إليه أصدقاؤه وبـ يلاقى نفس الرموز اللى بـ يشوفها لما بـ يلمس جسد القتلى وبعد إبلاغ الشرطة والقبض عليهم بـ يعرف باقى تفاصيل القضية.

برضه من القضايا الغريبة فى الرواية أن الشرطة عثرت على جثة لشاب ما حدش يعرف عنه حاجة وطبعًا شريف هو اللى لمس الجثة واكتشف لهم الشاب قُتل إزاى وهما من ناحيتهم عرفوا هو مين وساكن فين وراح شريف منزل الشاب وبدأ يشوف تحركات الشاب فى البيت وعرف أن له علاقة بأحدى صالات القمار وشافه بـ يدون ملاحظات فى أجندة فـ دور عليها علشان يعرف أكثر عن الشاب وبكده وصل للصالة اللى كان بـ يلعب فيها والناس اللى قتلوه ولعب معاهم واستدرجهم لحد ما تقبض عليهم.
اللافت للنظر جدًا فى كل القضايا اللى فى الرواية هو الجهد المبذول من المؤلف فى سرد تفاصيل كل حالة، يعنى مثلا هـ تلاقي بـ يشرح لك تفاصيل وأهمية النجمة الخماسية ومصطلحات مهمة فى المجال ده وهـ تلاقيه برضه بـ يستخدم ألفاظ لعيبة القمار.
وللسبب ده نعتقد أن أنور هانى ممكن يكتب فى موضوعات أخرى غير الفانتازيا بدقة وبحرص وبمعلومات كافية تدخل القارئ داخل العمل بسهولة وتمكن، ويخلى القارئ يشعر بثقافة المؤلف وإلمامه بالموضوع اللى بـ يكتب فيه، ولكن على جانب آخر “أبواب” فيها إيغال فى الفانتازيا بشكل غرائبى خيالى، بمعنى أننا ممكن نتصور بعض الأحداث اللى بـ يسردها المؤلف ولكن فيه أجزاء أخرى هـ نقول أنها وسعت منه شوية وإن كان ده برضه له مدلول إيجابى أن المؤلف خياله واسع وخصب.
غلاف الرواية للفنان عبد الرحمن حافظ معبر جدًا عن فكرة العمل بالباب المقفول فى قلب جذع شجرة ونعتقد أنه يقصد به أنه باب غير متوقع وجوده فى مكان زى ده، وبالتأكيد اللى وراء الباب كمان هـ يكون غير متوقع، وده بالضبط اللى بـ تدور حوله أحداث الرواية.

عجبك ؟ جرب

"خطوات ليلية" لعلاء محمود.

عن الكاتب

تخرج أنور هانى فى كلية التجارة جامعة الإسكندرية، عمل محررًا فى مجلة "أعدلها" ونُشرت له مجموعة من المقالات بمجلة "كلمتنا" وله تحت الطبع رواية "أبواب 2" والمجموعة القصصية "خرافات حية" وسلسلة "غموض".

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح