-
ماجد يوسف
-
ديوان شعر
-
من الآن
-
عربي عربي
-
7.75 جم
-
مكتبات الهيئة العامة لقصور الثقافة وبائعى الجرائد
Ahmed Abd El Gawad
إلى
أمى..
اللى
جابت من حشاها قتيل
وأنا
اللى شايل جِتته وماشى
ماجد
ده
أول إهداء فى المجلد الأول للأعمال الكاملة لماجد يوسف، واحد من أهم شعراء العامية
فى مصر، والإهداء بـ يعبر عن مدى ارتباط الشاعر بأمه سواء فكرة الأم الطبيعية أو
الأم الوطن، واللى عبر عن همه فى حبها باعتباره قتيل وعلى الشاعر أنه يتحمل الهم ده
ويشيل جثته ويمشى، إلى أن يتحول إلى كائن حى بالشعر وللشعر.
ماجد
يوسف اسم مهم فى خريطة العامية المصرية، شاعر من جيل شاف هزيمة 1967 وشاف نصر
1973، وتأثر بالاثنين، وأهم حاجة فى الجيل ده أنه شاف هزيمة كبيرة ونصر كبير، وعاش
حلم عبد الناصر وتابع كاريزمة السادات، شاف مصر لما صالحت إسرائيل ومنهم اللى رفض
بشدة وقال “لا تصالح” زى أمل دنقل –رحمه الله– الشاعر العبقرى، ومنهم
اللى وافق على التطبيع ومنهم اللى شارك فى صنع ثقافة بغض النظر عن أى حاجة ثانية
زى ماجد يوسف اللى اهتم بفكرة الشعر والقراءة والثقافة واشتغل فى الميديا فترة من الوقت
وأخيرًا هو اللى مسؤول دلوقت عن لجنة الشعر فى المجلس الأعلى للثقافة (وتقريبًا دى
أول مرة يمسك اللجنة شاعر عامية) وتعالوا نعرف إيه موضوع الأعمال الكاملة.
الأعمال
الكاملة زى ما قال لنا عمنا ماجد يوسف هـ تكون فى 4 أجزاء، نزل منها لحد دلوقتى
جزئين: المجلد الأول والثانى وهو بـ يجهز للثالث والرابع وبكده هـ يكون جمع كل شغله
فى مجموعة واحدة غير اللى هـ يكتبه جديد.
المجلد
الأول: على ظهر الغلاف هـ تلاقى:
فارس
يكون فارس صحيح
يأخذك
فى حضنه.. تضحكى.. بس الخجل
وتسيبى
نفسك للهوا يزرع شراقى الملح نور
ويمد
إيده نقطة ضى بيضا فى القدور
ويخش
جسمك تطرحى قمح وقصب
المجلد
الأول فيه أربعة دواوين وهم: الديوان الأول “ست الحزن والجمال” والديوان
عبارة عن مجموعة قصائد كتبت من 1967 إلى 1975، والديوان الثانى “تحولات
الخروج من الدواير المثلثة” والديوان قصيدة طويلة من الشعر المصرى الحديث من
تسعة مقاطع كتبت فى 1978، والديوان الثالث “3 مرايات على جمرة” والديوان
مجموعة من القصائد كتبت من 1980 إلى 1986، والديوان الرابع “براويز
الأنثى” وهى قصائد كتبت فى الفترة من 1990 إلى 1992.
أما
المجلد الثانى فهـ تلاقى على ظهره تصدير شعرى بـ يقول:
وكأنى
شفت سبيكة المطهر
وكأنى
دبت فى بؤرة المصهر
ولمست
ماسة اسمها الجوهر
بدون
جسد وإيدين
وشفت
من غير عين
وسمعت
من غير ودن
وحضرت
من غير إذن
المجلد
الثانى فيه أربعة دواوين، الأول منهم هو “فهارس البياض” والديوان عبارة
عن قصائد مكتوبة من 1987 إلى 1994، والديوان الثانى هو “مس الكائنات” عبارة
عن قصائد كتبت من منتصف 1996 إلى منتصف 1997، والديوان الثالث “رباعية
القاهرة” صدر فى 2008، والديوان الرابع “سداسيات” وهى قصائد كتبت
بين القاهرة وبيروت فى خريف 2004.
*ملحوظة:
السعر 7,75 جنيه للمجلد الواحد
أكتب تقييم
مقترح
تسوق
خلّي السعادة تكمل.. تشتري منين أحلى شوكولاتة في القاهرة؟
أفضل أنواع الشوكولاتة أماكن بيع شوكولاتةـ محلات شوكولاتة +3
الحياة في كايرو
