The Definitive Guide to Living in the Capital , Cairo , Egypt

الحارة المزنوقة

الحارة المزنوقة: هى مصر فين؟

  • محمد فتحى
  • أدب ساخر
  • من الآن
  • عربي عربي
  • 30 EGP
  • مكتبات وسط البلد ونهضة مصر
تم التقييم بواسطة
Ahmed Abd El Gawad
قيم
قيم الآن
الحارة المزنوقة: هى مصر فين؟

ولا مصر أصلًا.. مين؟

مصر الكرامة والأرض؟ ولا الهوان والعرض؟

مصر رجالة بحق وحقيق.. مصر الطفل البرئ؟

ولا مصر العيال السيس والواد الخنيق؟

مصر الدين اللى لله بس الوطن عمره ما كان للجميع.

هى دى مقدمة كتابنا والكلام ده قاله فتحى فى حلقة من حلقات مقالاته المتصلة دائمًا والناس كانت بـ تموت من كثر “الشير” والتعليقات لأن الجزء اللى فات كام سطر من كلام كثير قدر “محمد فتحى” يلم به حاجات كثير فى مصر وكلها من مقالاته اللى كتبها فى (2013) ويعمل الحارة المزنوقة.

 

الحارة المزنوقة:

اختيار الاسم ده مش من فراغ.. لازم نعرف أنه اختاره لدلالته اللى صنعها الرئيس السابق محمد مرسى فى واحد من أشهر خطاباته واتكلم فيها عن “الحارة المزنوقة” والبلطجية اللى عارفهم بالاسم.. علشان يقول أنه فاهم كل حاجة وفى النهاية حصل اللي حصل.

 

حصل إيه:

على طريقة “حصل إيه” بـ تدور مجموعة من مقالات محمد فتحى حول الأحداث الساخنة اللى بـ تدور فى البلد وأكثر حاجة بـ تميز فتحى أنه محدد وفاهم وغير مسيس وبجد “لا منتمى”.

 

الـ “لا منتمى”:

السؤال الوجودى اللى دائمًا الكل بـ يهاجم به الكل هو أنت منتمى لفصيل كذا.. أنت بتاع الجماعة، أنت بتاع اليمين، أنت بتاع العلمانية الكافرة.. أنت.. أنت.. وده وضحه الكاتب فى سلسلة “كيف”.. وآه من كيف؟ بـ يوضح لك بكل بساطة إزاى تشوه خصومك السياسيين.. وتطلع عليهم الإشاعات.. وإزاى تفض خناقة فى مصر “اللى هى الحالة السياسية فى مصر” وأنواع الناس فى الخناقة اللى عاوز يولعها واللى عاوز يهديها من باب “صلوا ع النبى أمال”.

 

صلوا ع النبى:

فتحى مش النوع اللى عاوز يهدى “صلوا ع النبى” أو يولع “إحنا نروح القسم” لكنه من نوع مختلف عاوز يحلل أسباب الخناقة الدايره فى مصر أصلًا.. وده هـ تلاقيه فى مجموع مقالاته اللى بـ تدور أصلًا عن السبب طوال الوقت:

سبب تدهور الحالة الصحية للمريضة “طويلة المرض” واللى اسمها “مصر”، سبب انتصار الإسلاميين فى الانتخابات واكتساحهم للموضوع “بعيد عن الزيت والأرز” سبب اللى حصل فى الاتحادية بعيدًا عن “أغور أنا وجماعتى” وده اللى حصل، سبب المقاطعون للانتخابات “والله أنت واد عندك مبدأ”، سبب تخلف الميديا “فى الغالب هو ذلك الرجل المجهول سيادة “المصدر المطلع” واللى بـ يعطى تصاريح فى كل الجرائد.

 

محمد vs فتحى:

محمد قادر أنه يتريق على الوضع العام للبلد، فتحى صورة الأب الموزون العاقل، محمد ممكن يعمل حوار مع أى حد فى الشارع، فتحى بـ يختار دائمًا مين اللى ممكن يجيب الحقيقة، محمد بـ يجيب فى سيرة كل خلق الله، فتحى المهم لما نجيب سيرتهم يرتدعوا ويبقوا كويسين.

عجبك ؟ جرب

"مرسى ودموعى وابتساماتى" لنفس الكاتب.

عن الكاتب

روائى وقاص وصحفى وأستاذ إعلام فى جامعة حلوان وكاتب متميز بالسخرية من الأوضاع.. له عدة تجارب إعلامية فى الإعداد.. يحمل وجه طفولي وابتسامة دائمة ونظارة يحلل من خلفها العالم.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح